Бақытын Болашақтан тапқан

Аймақтар
04.04.2025, 08:50
Суретті түсірген автор
Шахида Жұман

Маңғыстау облысы бойынша меншікті тілші

Түбек темір жолының сонау қиырдағы Болашақ станциясында еңбек ететін Гүлмира Сыдықованы әріптестері зор құрметпен зейнетке шығарып салды.

Болашақ станциясы жаңадан ашылған 2011 жылдан бері жүк және багаж қабылдап-тапсырушы болып жұмыс істеп келе жатқан Гүлмира Сыдықованың құрметіне станция ұжымы арнайы басқосу ұйымдастырды. Салтанатты жиында алдымен сөз алған станция басшысы Мақсат Нұрбеков өзіне жүктелген міндетін кәсіби біліктілікпен адал атқарып, зейнет жасына жеткенше абыроймен еңбек еткен Гүлмира Қалдауқызының атына көп жылы сөз айтып, жаңа келген жастарды жұмысқа баулып, үйретіп, тәрбиелеп, ұстаздық еткен қызметін жоғары бағалады. Талай жылғы қызметіне ризашылық білдіріп, Маңғыстау жүк тасымалы бөлімшесі басшылығы мен кәсіподақ ұйымының Алғыс хаты мен марапатын табыс етті. Әріптестері мен шәкірттері де кезекпен сөз алып, сыйластықтары мен қимастықтарын қатар жеткізіп, құшағын гүлге толтырып, лайықты сый-сияпаттарын жасады.  

Гүлмира Қалдауқызы 1964 жылы Орал облысының Ақжайық ауданында дүниеге келген. Туған ауылы Базартөбе темір жолдан жырақта. Сондықтан базартөбеліктердің темір жолмен байланысы жоқ, өзімен өзі бірсарынды тірлігі қайнаған ауыл болыпты. Гүлмира апамыз мектеп бітірген соң Ақтау қаласында тұратын апасының үйіне келіп, сондағы мұнай мекемесіне жұмысқа орналасады. Кәсіпорынның жолдамасымен Мәскеу қаласындағы Губкин атындағы жоғары оқу орнына оқуға қабылданады. Сол жақта жүріп тұрмысқа шығып, балалы болып, біраз жыл елден жырақта өмір сүреді. Дегенмен туған жерге сағынышы басылмай, елге қайта оралады. 2002 жылы Маңғыстау темір жолына жүк және багаж қабылдап-тапсырушы болып жұмысқа орналасады. Маңғыстау, Ақтау порты станцияларында еңбек етеді. 2011 жылы Болашақ станциясы ашылғанда алғашқылар қатарында «тыңнан түрен салуға» аттанады.

– Болашақ станциясы ашылғасын осында ауыстым. Мұнда мені қызықтырған нәрсе – станцияның перспективасы, шетелдермен байланыс еді. Сонымен қатар барлық жағдайы жасалған баспанамен қамтылдым. Станция арқылы жүк тасымалы жылдан жылға жоғарылап келеді. Түрікменстан үстімен Иранға, Ауғанстанға өтетін жүк вагондарына қызмет көрсетеміз. Өз мамандығымды толықтай игеру үшін Қазақ қатынас жолдары университетінен жоғары білім алдым, – дейді бақытын Болашақтан тапқан, станцияның аға жүк және багаж қабылдап-тапсырушысы міндетінен зейнетке шыққан Г.Сыдықова.  

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды