Тараз көліктегі оқу орталығында ашық есік күні өтті

Аймақтар
10.04.2025, 10:43
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

Тараз көліктегі оқу орталығында Жұмысшы мамандықтар жылына орай «Ашық есік» күні өтті. Қаладағы көлік және коммуникация колледжінің студенттері орталықтың қызметімен танысып, болашақ кәсіптері жайлы жан-жақты мәлімет алды.  

Оқу орталығының директоры Лашынкүл Күзербаева болашақ теміржолшылар үшін бұл  іс-шараның маңызы зор екеніне тоқталып, оларға орталықтың негізгі атқаратын қызметі туралы айтып беріп, жұмыс жүйесімен таныстырды.  

– Бұл жастар диплом алып, маман атанғаннан кейін әрі қарайғы еңбек жолында осы оқу орталығына бірнеше мәрте оралып, біліктіліктерін арттыратын болады. Сондықтан біз студенттерге барлық оқу кабинетіндегі материалдық базаны таныстырып, сабаққа қатысып, процесті сезініп көрулеріне мүмкіндік жасадық, – дейді Лашынкүл Рахымқызы.  

Орталықта 17 оқу кабинеті, бір компьютерлік сынып бар. Кабинеттердің барлығы тиісті материалдық базамен жабдықталған. Компьютерлер қажетті ақпараттық жүйелерге қосылған. Тіпті 3Д жүйесінде жаттығу бағдарламасы да жүктелген. Осы жаттығу жүйесі арқылы машинистер сынақ тапсырып, тәжірибелерін шыңдай алады.  

Оқу орталығы мен колледж арасындағы ынтымақтастық пен бірлескен жұмыстың аясында ұйымдастырылған іс-шарадан студенттердің көріп, көкейге түйгені көп болды. Теміржол саласында талай жылдық тәжірибесі бар орталықтың білікті мұғалімдері жастарға жаңа жүйе, жаңа құрылымдар туралы егжей-тегжейлі түсіндірді. Орталықтың тәжірибелік полигонында шпалдардың, бағыттауыш  бұрмалардың, рельс бекітпелерінің орналасуын көрсетіп, олардың түрлерін айтып таныстырды. Мамандардың кәсіби шеберлігін көтеру мақсаттарын атап, теміржол саласының қауіпті аймақ екенін де естеріне салып өтті.  

Ашық есік күні дөңгелек үстел басында түйінделді. Тараптар теміржолшыларды даярлайтын кәсіптік колледж бен орталықтың өзара байланысын арттыра түсуге уағдаласты. Бірлескен жұмыстарды атқаруда белсенділік танытқан колледж директорының оқу-өндіріс жөніндегі орынбасары Жеңіс Тайбековке Алғыс хат табысталды.    

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды