Қарт түбектің қақпасы қайта түлемек

Аймақтар
18.04.2025, 08:54
Шахида Жұман

Маңғыстау облысы бойынша меншікті тілші

Қарт түбектің теміржол қақпасы Маңғыстау вокзалы жаңаратын болды. Талай жылдан бері айтылып та, жазылып та жүрген мәселе оң шешімін табатын күн алыс емес. Күні кеше вокзалдың ескі ғимаратын сүріп, реконструкциялау жұмыстары басталды.

Осыдан шамамен алпыс жыл бұрын бой көтерген ескі вокзал ғимараты үш жүз адамға арналып салынған болса, енді түбек теміржолының вокзалы тәулігіне 3 мыңға жуық жолаушы қабылдап, өткізе алатын қауһарға ие болмақ.  

Облыс орталығына келетін жалғыз теміржол вокзалы осы болғандықтан күніне жеті қаладан келіп-кететін пойыздарды өткізетін көне ғимарат келген жолаушыларға лық толып, сыймауға айналған. Жауапты өкілдердің айтуынша, жаңадан салынатын вокзал ғимараты үш қабаттан тұрады. Онда кең жүк сақтау қоймалары, жайлы ана мен бала бөлмесі, күту залдарында ыстық пен салқынды реттейтін құрылғылар, тегін Wi-Fi желісі, т.т. сервистік қызметтердің барлық түрі көзделген.  

Құрылыс және реконструкциялау жұмыстары жылдың соңына дейін жүреді. Жаңғырту жұмыстарына 150-ге жуық адам тартылған.

– Облысымыз күннен-күнге көркейіп жатыр. Туризм саласы да қарқынды дамуда. Кешегі өткен ауқымды шараларда түбекке мыңдаған қонақ келді. Қазірдің өзінде тәулігіне екі мыңнан астам жолаушы келіп-кетеді. Алдағы уақытта тағы артуы мүмкін. Осының бәрін ескере отырып, вокзалды үлкейтуді жоспарладық. Үш қабатты зәулім ғимаратта вокзал шаруашылығынан бөлек тамақтанатын орындар, халыққа қолайлы болу үшін кондиционер, траволатор, эскалатор – барлығы болады, – деді бұл туралы облыстық жолаушылар көлігі және автомобиль жолдары басқармасының басшысы Адайбек Қалиев.  

Еске сала кетсек, аталған құрылыс жұмыстары Мемлекет басшысының тапсырмасына сәйкес туризм саласын жандандыру мақсатында инфрақұрылымдық нысандарды дамыту бағытында қолға алынып отыр. Көлік министрлігінің мәліметінше, 125 теміржол вокзалы қайта жаңғыртудан өтеді. Соның қатарында реконструкциясы осы аптада басталып кеткен түбек вокзалы да бар. Бұған дейін Маңғыстау теміржол вокзалы кешенінің жалпы ауданы 763 шаршы метр болса, енді ол бірнеше есе ұлғаяды. Реконструкциялауға байланысты ҚТЖ теңгеріміндегі 2 гектарға жуық жер телімі мемлекет меншігіне қайтарылып, кеңейту жұмыстары басталды. Ал жанындағы уақытша ғимаратқа жайғасқан вокзал әкімшілігі жұмысын бір сәтке де тоқтатпай жалғастыруда.  

Айта кетейік, Маңғыстау вокзалымен қоса биыл Бейнеу мен Шетпедегі вокзалдар да жөндеуден өтуі жоспарланған. Олардың да құрылысы жоспар бойынша жыл соңына дейін бітеді.

 

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды