Жұмысшыларды тасымалдайтын жаңа автобус пайдалануға берілді

Аймақтар
01.07.2025, 08:36
Суретті түсірген автор
Шахида Жұман

Маңғыстау облысы бойынша меншікті тілші

Жұмысшыларға қолайлы жағдай жасау арқылы еңбек өнімділігін арттыру – кез келген кәсіпорын үшін басты ұстаным болуы тиіс. Маңғыстау вагон депосының басшылығы үшін бұл баяғыдан қалыптасқан қағида. Биыл мекеме балансына су жаңа автобус алынып, жұмысшылардың жұмыс орнына қатынау мәселесі оң шешімін тауып, еңбек қорғауға тағы да елеулі қадам жасалды.

Маңғыстау вагон депосында жұмысшыларды тасымалдайтын көліктің жоқтығы көптен басшылықтың «бас ауруы» болғаны рас. Бұрындары жеке көлігі жоқтарға қаладан, басқа да жан жақтағы елдімекендерден Маңғыстау станциясында орналасқан депоға жұмысқа келу қиын болатын. Қазір бұл мәселе толық шешімін тапты деуге болады. Наурыз айында алынған арнайы автобус жұмысшыларды үйінен жұмысқа, жұмыс орнынан үйіне тасымалдайды. Деполықтар үшін бұл қолайлы да тиімді болып отыр. Ақтау қаласында тұратын вагон қараушы-жөндеуші Ерлан Көрпелиев осындай мүмкіндік жасаған басшылыққа барлық әріптестері атынан алғысын жеткізді. Бірнеше жылдан бері қала мен ауыл арасындағы қатынайтын қоғамдық көлікпен келіп-кетіп, қыстың суығы мен жаздың ыстығында жолда көлік күтіп, жаяу жүріп, автобустан автобусқа ауысып мініп, жұмыс орнына үлкен қиындықпен жететін оның қазір бұрынғыдай көп уақыты жолға кетпейді. Таңмен тұрып, жұмысқа келу үшін үйдегі біраз шаруаны қалдыруына да тура келмейді.  

– Қазір таңертең балаларыммен асықпай бірге таңғы ас ішемін. Ертелетіп тындыратын шаруалар болса, оны істеп тастауға да уақытым әбден жетеді. Содан соң үйдің қасына келетін автобусқа асықпай шығамын. Сағат 8:30 болғанда жұмыс орнына келіп, медициналық тексеруден өтіп, тоғызда өз міндетіме кірісемін. Бұрын таңмен таласа тұрып, бір-екі шақырым жаяу жүріп, қала мен ауыл аралық автобусқа Басқұдық ауылынан отыратынмын. Сол жерден станцияға қарай келетінмін немесе қаланың бәрін аралайтын бір автобустан екіншісіне ауысып, оларды күтуге көп уақыт кететін.  

Сөйтіп, асығып-аптығып, кешігіп қаламын ба деген уайыммен жұмысқа жетіп, медициналық тексеріске келгенде жүрегіміз тынымсыз соғып, кейбіреулердің қан қысымы да көтеріліп дегендей, қолайсыздық туындап жататын. Қазір бәрі жақсы, өзіміздің автобусымыз бар. Аусымнан кешкі сағат 21.00 де шықсақ та, үйімізге дейін жеткізіп тастайды. Түнгі уақытта такси ұстап, артық шығындалмаймыз. Күндіз көліктен көлікке ауысып, оны күтіп, көп уақыт жұмсамаймыз. Жалғыз біз емес, талай шалғайдағы теміржолшылар осындай көлікке қол жеткізіп игілігін көріп отырғанын естіп, көріп жүрміз. Жұмысшылардың жағдайын жасауға бетбұрыс жасап отырған ҚТЖ-ның саясатына дән ризамыз, алғысымыз шексіз, – дейді Маңғыстау вагон депосының ТҚКП вагон қараушы жөндеушісі Ерлан Көрпелиев.  

Бұл автобус келгелі депода жұмыс істейтін талай вагоншылардың жұмысқа келіп кетуі жеңілдеп, соның нәтижесінде жұмыс өнімділігі де арта түскен.  

 

Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті
Жолаушылар тасымалы
26.08.2025
«Keruen Express» турпойызымен 130-дан астам жолаушы сапарға аттанды