Құрық-Баку-Құрық бағдары бойынша «Professor Gul» паромына жолаушылар билеті де сатыла бастады

Жүк тасымалы
16.11.2021, 10:17
Райхан Рахметова

«Қазақстан теміржолшысы» газетінің тілшісі

Қазақстан мұхитқа тіке шыға алмайтын мемлекеттер тізімінде болса да Каспий теңізі арқылы Әзербайжан, Иран елдеріне шығу мүмкіндігіне ие. Бүгінде Маңғыстау түбегінің Ақтау және Құрық порттарынан кемеге тиеліп, ежелгі атауы Хазар атанған теңіз арқылы шетелдерге жөнелтіліп жатқан жүк тасымалында шек жоқ. Ал енді, міне, Құрық-Баку-Құрық бағдары бойынша «Professor Gul» паромына жолаушылар билеті де сатыла бастағаны аян болып отыр. Егер сіз турист немесе бизнесмен болсаңыз, демалып немесе уақытты пайдалы өткізгіңіз келсе, Бакуге теңіздің тамаша көрінісін тамашалап, кемемен барудың керемет сәті туып тұрған жоқ па?! Атап өтерлігі, «Professor Gul» кемесі жолаушылармен қатар жүк, автомобиль, теміржол вагондары, трейлер және рефрижераторлық жүктерді де тасымалдайды. Демек, Әзербайжан елінен автомобиль алып келемін десеңіз де ешқандай қиындық жоқ. Ал кеменің қауіпсіздігіне келсек, ол әлемдік стандарттарға сай құрастырылып, жаңа радионавигациялық жабдықтармен, сондай-ақ, жел-дауыл кезінде кемені тұрақтандыру жүйесімен жабдықталған. Жолаушылар талғамына және қаржылық жағдайына қарай 2 және 4 орындық каюталарда орналаса алады, сондай-ақ 6 орындық каюта да бар. Жолаушыларға арналған орын саны – барлығы 79. Вагон палубасына келсек, ол 4 жолдан тұрады және 28 теміржол вагонына арналған. Жолаушыларды паромдарда және Ро-Ро типті кемелерде тасымалдау тарифтеріне келсек, бір жолаушыға бір бағыттағы тасымал құны АҚШ долларымен келесі шарттарды құрайды. Яғни, 2 орындық каютаның бір адамға шаққандағы билет құны 80$, 4 орындық каютаның бір адамға билет құны 70$, 6 орындық каютаның бір адамға билет құны 60$ құрап отыр. Бұл жерде билет құнына жолаушының тамағы да кіреді екен. Сонымен қатар 5 жасқа дейінгі балалардың жол жүруі тегін болса, 6 жастан 12 жасқа дейінгі балаларға 50% жеңілдік қарастырылған. Ұлы Отан соғысының батырлары тегін жүре алса, Ұлы Отан соғысының қатысушылары мен мүгедектеріне 50% жеңілдік мүмкіндігі берілген. Бір жолаушыға қарастырылған тегін жол жүгінің нормасы 50 кг құраса, қосымша әрбір килограмы үшін 0,16 АҚШ доллары алынады. Төлем тек АҚШ долларымен ғана емес, теңгемен де жүргізілуі мүмкін. Бұл жағдайда Қазақстан Республикасының Ұлттық Банкі белгілеген төлем күніне АҚШ долларының бағамы қолданылатын болады. Ал билеттерді ticket@ferry.kz электрондық поштасы немесе 8 (7292) 50-03-46, +7 (702) 206 40 71 телефондары арқылы сатып алуға болады. Айта кетейік, Құрық портынан Бакудың Алят портына дейін паромның жүру уақыты 18-20 сағатты құрайды екен.

ҚТЖ келбеті
25.08.2025
Теміржолшы Мақсат Абатов «Самұрық-Қазына» спартакиадасынан алтын және күміс жүлдемен оралды
Әлемде
25.08.2025
Сауд Арабиясына арналған пойыздарға Rolls-Royce қозғалтқыштары салынбақ
Аймақтар
25.08.2025
Маңғыстау теміржол өткелдерінде биыл бірде-бір жол апаты тіркелмеді
Әлеумет
25.08.2025
Мектепке жол: оқу құралдары сыйға тартылды
Аймақтар
25.08.2025
Ең арзан пойыз – оңтүстікте
Инфрақұрылым
25.08.2025
Қызылорда жол дистанциясында теміржол күтімі қарқынды жүріп жатыр
Жолаушылар тасымалы
25.08.2025
ҚТЖ-ның жолаушылар пойыздарында 140 ереже бұзушылық анықталды
Жаңалықтар
22.08.2025
ҚТЖ бүкіл ел бойынша вокзалдарды ауқымды жаңғыртуды жүргізуде
Инфографика
22.08.2025
Биыл «Достық – Мойынты» учаскесінің екінші жолдарының құрылысы аяқталады
Инфографика
22.08.2025
ТХКБ бойынша жүк тасымалы соңғы бес жылда 6 есеге өсті
Инфрақұрылым
22.08.2025
Теміржол әлеуеті сөз болды
Цифрландыру
22.08.2025
Цифрландырудың бес бағыты
Қауіпсіздік
22.08.2025
Кәсіби қырағылық: вагон қараушы пойыз қозғалысын қауіптен қорғады
Әлеумет
22.08.2025
Маңғыстаулық теміржолшылар отбасы Астанадағы байқаудан жүлдемен оралды
Аймақтар
22.08.2025
Семей теміржол вокзалы жаңғыртылуда
Жаңалықтар
22.08.2025
Жүйелі жұмыстар жалғасуда
Жаңалықтар / Мұрағат
22.08.2025
Қазақстан теміржолшысы газеті, №68 22 тамыз 2025 жыл
Әлемде
21.08.2025
Alstom жаңа сутекті пойызын сертификаттауға шығарды
Жүк тасымалы
21.08.2025
"Шұбаркөл Премиум" көмірін тасымалдау бойынша рекорд орнатылды
Аймақтар
21.08.2025
800 метрге дейінгі түйіспесіз рельс плеттерін дайындайтын кәсіпорын