Жүк жөнелтушілер мәлімделген көлемнен астық жүктерінің 30% астамын тасымалдауға өткізген жоқ
Ағымдағы жылдың қазан айында теміржол көлігімен негізгі жоспармен 1,3 млн тонна астық тасымалдау жоспарланған болатын.
Алайда жүк жөнелтушілер тасымалдауға тек 900 мың тоннадан астам астық ұсынды, бұл мәлімделген көлемнің 69% құрайды.
Жүк жөнелтушілер вагондармен 100% қамтамасыз етілген. Қазан айында күн сайын астық жүктерін тиеуге 630 астам вагон ұсынылды. Жөнелтушілер 410 вагоннан аспайтын жүк тиеді. Қалған вагондар тиеуді күтіп, кіреберіс жолдарында болды. Ұлттық тасымалдаушыға белгісіз себептермен тиеу қамтамасыз етілмеді.
Жүк жөнелтушілермен белсенді жұмыс жүргізіліп, бірлескен кеңестер өтіп, салалық қауымдастықтармен диалог жолға қойылды. Жүкжөнелтушілердің астық тиеулерін жандандыру қажеттілігі туралы ҚТЖ астық штабының отырыстарында темір жолдың өңірлік басшыларын қосумен айтылып келеді.
Астық штабы астық жүктерін тасымалдау бойынша жоспарлы көрсеткіштерді орындау бойынша барлық қажетті шаралар қабылдауда.