Бейжіңде ТХКБ-ның 2024 жылғы жұмысы қорытындыланды
Бейжіңде (ҚХР) ҚТЖ еншілес компаниясының (“KTZ Express” АҚ) басшылығы Қытай, Грузия және Әзірбайжан темір жолдары өкілдерімен бірлесіп Транскаспий халықаралық көлік бағдары (ТХКБ) бойынша сарапшылар кеңесіне қатысты, деп хабарлайды Rail-news.kz.
Кездесуде маршруттың 2024 жылғы жұмысы қорытындыланып, іске асырылған жобалар мен келесі жылға арналған жоспарлар талқыланды. ТХКБ-ны одан әрі дамыту жөніндегі жоспарларға ерекше назар аударылды.
Келіссөздер барысында тараптар ТХКБ бойынша тасымалдау көлемін ұлғайтуға келісті. Қытайдан ТХКБ бойынша жөнелтілетін контейнерлік пойыздар санын тәулігіне төртке дейін ұлғайту туралы уағдаластықтарға қол жеткізілді, бұл ағымдағы көрсеткіштерден екі есе көп.
Сонымен қатар, маршруттағы логистикалық процестердің жеделдігі мен ашықтығын арттыруда тараптар жүк ағындарын бақылау мен басқару үшін бірыңғай цифрлық платформаны әзірлеу мүмкіндігін талқылады.
ҚТЖ халықаралық ынтымақтастықты нығайта және көлік инфрақұрылымын жақсартуға ықпал ете отырып, ТХКБ-ны белсенді дамытуды жалғастыруда. Бұл күш-жігер Қазақстанның транзиттік әлеуетін және маршрут бойынша жеткізудің барлық тізбегін арттыру үшін жаңа мүмкіндіктер ашады.