Контейнерлік тасымалға қатысты жадынама бекітілді

Темір жол ынтымақтастық Ұйымы жоғары басқарушы органының отырысы – ТЖЫҰ министрлерінің XLIX сессиясы отырысы бейнеконференция режимінде өткізілді. Онда жүктерді ірі тоннажды контейнерлерге орналастыру және бекіту бойынша ТЖЫҰ Жадынамасы бекітілді. Іс-шараға ТЖЫҰ-на мүше 22 елден делегация, сонымен қатар БҰҰ-ның (ЭСКАТО БҰҰ) Азия және Тынық мұхиты үшін экономикалық және әлеуметтік комиссиясы, ЕК көлік және мобильділік бойынша бас директораты (DG MOVE), халықаралық теміржол тасымалы бойынша үкіметаралық ұйым (ОТИФ), Еуразиялық экономикалық комиссия (ЕЭК), демократия мен экономикалық даму бойынша ұйым (ГУАМ), темір жол көлігі халықаралық комитеті (ЦИТ) сынды халықаралық ұйымдар өкілдері қатысты. ТЖЫҰ комитетіндегі ҚР Индустрия және инфрақұрылымдық даму министрлігі өкілдері, ҚР бойынша ТЖЫҰ комитетінің мүшесі Зубайда Аспаева бастаған қазақстандық делегация құрамында сессия жұмысына «ҚТЖ» ҰК» АҚ даму жөніндегі атқарушы директор Мейрамгүл Дүзбаева, «ҚТЖ» ҰК» АҚ халықаралық ұйымдармен өзара іс-қимыл департаменті директоры Әлия Ахметова қатысты. ТЖЫҰ министрлер отырысында 2020 жылға ТЖЫҰ қызметі туралы есебі, сонымен қатар көлік құқығы бойынша ТЖЫҰ комиссиясы мен көлік саясаты мен даму стратегиясы бойынша ТЖЫҰ комиссиясы жұмысының нәтижелері бекітілді. 2022 және содан кейінгі жылдарға жұмыс бағдарламасы мен ТЖЫҰ негізгі құжаттары бекітілді. 2021 жылға ТЖЫҰ комитетінің соңғы және 2022 жылға алдын ала бюджеті қабылданды. Қатысушылар кәсіби оқыту мәселелері, есепті кезеңде темір жол тасымалы саласындағы дайындық бойынша ТЖЫҰ уақытша жұмысшы тобының қызметін мақұлдады. Сонымен қатар отырыста ТЖЫҰ теміржол көлік дәліздерін үйлестіру бойынша мәселелер талқыланды. Жүк ағынын контейнерлендіруді дамыту бойынша ірі тоннажды контейнерлерге жүктер орналастыру және бекіту бойынша ТЖЫҰ Жадынамасы бекітілді. Отырыс мүшелері Сессия ТЖЫҰ құрылғанына 65 жыл толу қарсаңында өткізілетінін атап өтті. Осы кезең аралығында Ұйым Еуропа мен Азия аралығындағы жолаушылар мен халықаралық жүк тасымалын жетілдіру және қамтамасыз ету, дамыту бойынша үлкен жұмыстар атқарды. Сессия жұмысының қорытындысы бойынша ТЖЫҰ министрлер отырысының XLIX cессиясының хаттамасына қол қойылды.