«ҚТЖ-Жүк тасымалы» ЖШС-сі 2500-ден астам портативті бейне жетон сатып алмақ
Пойыздарды құрастырушылар мен вагондардың қозғалыс жылдамдығын реттеушілер үшін 2500 астам портативті бейне жетондарды «ҚТЖ-Жүк тасымалы» ЖШС сатып алуды жоспарлап отыр, деп хабарлайды Rail-news.kz.
Құрылғыларды пайдалану қызметтік міндеттерді орындау процесінде қызметкерлердің тәртібі мен жауапкершілігін арттырады, сондай-ақ қауіпсіздік техникасын бұзумен байланысты тәуекелдерді азайтады. Бейне жетондар темір жолдағы оқиғаларды жедел тексеруге және болашақта олардың алдын алуға мүмкіндік береді.
Сондай-ақ, ТЭ33А/АС сериялы локомотивтерге бейнетіркегіштерді орнату көзделген. 2025 жылы 47 бейнетіркегіш орнату жоспарлануда. Бұл құрылғылар жолдағы жағдайды бақылауды қамтамасыз етеді, оқиғаларды тергеуге көмектеседі. Бейне тіркегіштер дизель отынын ұрлау жағдайларын азайтуға да ықпал етеді.
Сондай-ақ, «ҚТЖ-Жүк тасымалы» ЖШС қашықтықтан бейнебақылау жүйесін (ҚБЖ) енгізу жобасын қарастыруда. ҚБЖ машинистерге жолдың жай-күйін және вагондармен алға жылжу кезінде белгілі бір өлшемі болуын визуалды бақылауды қамтамасыз етеді. Кескін машинист кабинасындағы өнеркәсіптік планшетке соңғы вагонда орнатылған мобильді бейнебақылау блогынан берілетін болады.
Жоба қаралу сатысында және оны іске асыру тасымалдау процесінің қауіпсіздігі мен тиімділігін едәуір арттыруға мүмкіндік береді.