Қызылордада теміржолды жөндеу жұмыстары жалғасуда (Фото)

Инфрақұрылым
14.08.2023, 12:39
Суретті түсірген автор
Сабырхан Сейілбекұлы

Қызылорда облысы бойынша меншікті тілші

Қызылорда магистральдық желі бөлімшесіне қарасты телімдерде жолды күрделі жөндеу жұмыстары жалғасуда. Аймақ бойынша биыл 70,013 шақырым жолды күрделі жөндеу жоспарланған. Жыл басынан бері екі учаскеде күрделі жөндеу жұмысы нәтижелі тәмамдалып, үшінші учаске –  Диірментөбе – Қорқыт станциялары аралығында күрделі жөндеу жұмысы басталды.  

Темір жолдарды жөндеу жұмыстарына маманданған «Integra Construction» серіктестігінің Әмірхан Жолдасбай басқаратын «Батыс» филиалы Қазалы учаскесінің теміржолшыларының алдында 19,900 шақырымды жаңарту міндеті  тұр. Ағымдағы жылдың маусым айында Диірментөбе-Төретам бекеттері аралығына 26,641 км жол жаңадан салынған болатын. Ал шілде айында Арал теңізі мен Сапақ станциялары арасында 23,589 шақырымның ескі жолдары түгел сөгіліп алынып, су жаңа жол қабаты төселді. Екі телімде де отандық өнімдер пайдаланылды.  

Міне, кезек Қорқытқа келді. Қатарынан екі рет толаскез алынып, екі күнде екі шақырымнан астам жолға рельс тізбектері төселіп үлгерді.

– Биылғы жылға жоспарланған күрделі жөндеу жұмыстары кестеге сай жүріп жатыр. Бөлімшенің солтүстігіндегі Арал теңізі – Сапақ – Аралқұм станциялары арасындағы 23,589 шақырымға жаңа темір-бетонды шпал төселіп, жаңа рельс тізбектері салынды. Осы учаскенің 6000 шаршы метріне қиыршық тас түсіріліп, Дуомат, ДГС, ПРБ, ЛБ және ВПО ауыр жол машиналарының көмегімен жол бабына келтірілуде. Осы тамыз айында бұл учаскедегі жолдың бабы технологиялық талапқа сай келтіріліп, толықтай пайдалануға беріледі. Диірментөбе – Төретам аралығында төселген 26,641 шақырым жол да түгел жаңа материалдан салынды. Бұл учаскенің 6,965 шақырымына үшінші қабатты қиыршық тас төселіп, ПРБ ауыр жол машинасының көмегімен жолдың сапасын келтіру, түзету жұмыстары жүргізіліп жатыр. Бүгінде өздеріңіз көріп тұрғандай, Қорқыт бағытында жұмыс жүріп жатыр. Жоспардағы 19,900 шақырымның 2,997 шақырымы салынып бітті. Жұмыс алдағы қыркүйек айына дейін жалғасып,   жолға су жаңа отандық рельс төселетін болады, – деді «Integra Construction»  ЖШС  «Батыс» филиалы Белкөл телімінің басшысы Дәурен Сұлтамұратов.

Диірментөбе – Қорқыт аралығында қызу жұмыс. Ескі рельстер УК-25/18 көтергіш кранының көмегімен сөгіліп алынып, Қазалы жол дистанциясының мамандары белгілеп берген жол төсемінің 40-45 сантиметр қалыңдығы ауыр тракторлармен сүріліп алынуда. Жол табаны тегістелген соң 25 метрлік рельс тізбектері салынады. Одан кейін табанына қиыршық тас төселіп, ауыр жол машиналары жұмысқа кірісіп, түзету мен тегістеу, жолдың рельс қабатын нығыздау жұмыстары жүргізіледі. Техникалық талапқа сай бабына келтірілген соң жол мамандарының сараптамасымен учаскелік жылдамдық белгіленетін болады.  

Аймақтар
18.09.2025
Көкшетауда Құрметті теміржолшы Мұратбек Тілеуленовпен кездесу өтті
Жаңалықтар
18.09.2025
Теміржолшылар экологиялық акцияны белсенді қолдады
Жүк тасымалы
18.09.2025
Қазақстаннан Қытайға өсімдік майының пилоттық партиясы жеткізілді
Цифрландыру
18.09.2025
Германия теміржолға 5G желісін енгізуде
Жаңалықтар
18.09.2025
Қарағандыда жүк пойызынан дизель ұрлаған қылмыстық топ ұсталды
Жаңалықтар
18.09.2025
Алматыда оқыту семинары өтті
Жолаушылар тасымалы
17.09.2025
Адамдар неге пойызбен жүруді жөн санайды?
Жолаушылар тасымалы
17.09.2025
Тағы қай бағыттың пойыздары Starlink интернетіне қосылатыны айтылды
Әлемде
17.09.2025
Калифорнияда сутекпен жүретін алғашқы пойыз іске қосылды
Жаңалықтар
17.09.2025
ALT университетінде ҚТЖ басшыларына арналған «Үздіктер алаңы» бағдарламасы басталды
Жүк тасымалы
17.09.2025
Қостанай өңірінен темір жолмен астық тасымалдау 20%-ға артты
Жаңалықтар
17.09.2025
Теміржолшылар қалдықтарды сұрыптау жолдарын үйренді
Жаңалықтар
16.09.2025
Теміржолшылардың қысқы маусымға дайындығы талқыланды
Жүк тасымалы
16.09.2025
Қытай – Қазақстан – Түрікменстан – Иран теміржол дәлізі жанданады
Трансформация
16.09.2025
Жүк тасымалы мен магистральдық желіні біріктіру – уақыт талабы
Аймақтар
16.09.2025
Қысқа әзірлік қарқынды жүргізілуде
Қауіпсіздік
16.09.2025
Екі көпір тұрса да, ерінетіндер көп
Аймақтар
16.09.2025
Әулиеата командасы бас жүлдені жеңіп алды
Қауіпсіздік
16.09.2025
«ҚТЖ»-да еңбек қауіпсіздігі мен экология бойынша үздіктер анықталды
Жаңалықтар / Мұрағат
16.09.2025
Қазақстан теміржолшысы газеті, №75 16 қыркүйек 2025 жыл