Атқыштар командасының күзетшісі
Жаңалықтар
07.03.2017, 14:49
Бүгінгідей заманда «мынау ер адамның жұмысы», «анау әйел адамның жұмысы» деп бөле-жаратын еш кәсіп қалмады. Оның үстіне, нарық заманы табыс табудың қандай да түрін болсын жат санамайды.
Мысалы, күзет қызметі – ер адамдардың жұмысы. Бірақ, осы кәсіпті жылдар бойы атқарып, бала-шағасын асырап отырған қыз-келіншектер де бар. Соның бірі «Әскерилендірілген темір жол күзеті» АҚ Маңғыстау станциясындағы атқыштар командасының күзетшісі Нұрсәуле Сомова.
Бейнеу станциясында туып-өскен Нұрсәуле отбасы жағдайына орай 1995 жылы Бейнеу атқыштар командасына қарауыл бастығының көмекшісі болып жұмысқа тұрады. Екі жылдан соң жұмыс бабымен Маңғыстау командасына күзетші болып ауысып, 22 жасында осындағы теміржолшы жігітке күйеуге шығады. Бүгінде 43 жастағы кейіпкеріміз үш баланың анасы. Өзі күзет қызметінде, жолдасы өрт сөндіру пойызында еңбек етеді.
Нұрсәуле жұмысына қатты үйреніп кеткенін, өзіне ұнайтынын айтады. Жақыннан
бастап ол қарауыл бастығының көмекшісі қызметінде. Сондықтан тек телефонға жауап беріп, Атыраудағы диспетчерлермен байланысып отырады. Келген жүк пойыздарын кітапқа тіркеп, жазып қояды. Қажетті қағаздарды толтырады. Мекеменің ішкі қауіпсіздігіне жауап береді. Күзетшілер Бейнеуден жүк вагондарына ілеспе күзетпен келеді. Сейфтегі қаруларды соларға шығарып беріп, келген кезде қабылдап алу жауапкершілігі де Нұрсәуленің мойнында.
Маңғыстаудағы теміржол мекемелерінің барлығын осы әскерилендірілген күзет күзетеді.
Таңертеңгі жиналыстан соң әр күзетші өзінің күзету аумағына кетеді. Сол жердің тыныштығын қамтамасыз етіп, әр екі сағат сайын орталыққа хабарлама жіберіп отырады.
Нұрсәуле Сомованың ата-анасы да теміржолшы болған жандар. Әкесі станция кезекшісі, ал анасы өзі секілді теміржол күзетінде жұмыс істеп зейнетке шыққан екен.
– Бала күнімде күзетші болуды армандадым дей алмаймын, әрине. Бірақ анамның жұмысын көріп жүріп тез үйреніп кеткенім рас, сондықтан қиын болмады, – дейді Нұрсәуле Сомова.
Оның үш ер баласы бар. 17 жастағы тұңғышы колледжде оқиды. Одан кейінгілері мектепте. Алдыңғы екеуі күреске қатысады, соңғысы шахмат ойнайды. Анасына қолғабыс етуге қай-қайсысы да даяр.
Әсел Таңатарова, Маңғыстау
Инфрақұрылым
12.03.2025
Шымкент магистральдық желі бөлімшесі биыл 160 км жолды сауықтырмақ
Жүк тасымалы
12.03.2025
Әйелдер қауымы қысқы бақта бас қосты
Әлемде
12.03.2025
Пәкістанда содырлар жолаушылар пойызына шабуыл жасап, 450 адамды кепілге алды
Әлемде
12.03.2025
Қырғызстан Баткеннен Қоқанға дейін теміржол салуды жоспарлап отыр
Жаңалықтар
12.03.2025
ҚТЖ теміржолдағы қауіпсіздік ережесін бұзғандарға жауапкершілікті күшейтуге қол жеткізді
Жолаушылар тасымалы
12.03.2025
ҚТЖ пойыздарында жолаушыларға құрма мен су тегін ұсынылуда
Жаңалықтар
11.03.2025
ҚТЖ-да өткелдердегі бейнеталдау жүйелерінің сынағы аяқталды
Жаңалықтар
11.03.2025
Теміржол төсемінен жоғары барлық су қоймалары мен бөгеттер зерттелді
Әлемде
11.03.2025
RailPulse серіктестігі Wabtec өндірісіндегі борттық датчиктерді сертификаттады
Жүк тасымалы
11.03.2025
2024 жылы Сиань терминалы транзитті 276 мың тоннаға дейін арттырды
Аймақтар
11.03.2025
Соғыс кезінде теміржол салған атыраулық кейуана 100 жасқа толды
Жолаушылар тасымалы
10.03.2025
Автожолдың жабылуына байланысты 300-ден астам жолаушы пойызбен жеткізілді
Жолаушылар тасымалы
10.03.2025
Қолайсыз ауа-райына байланысты пойыздарда қосымша орындар ұйымдастырылды
Жаңалықтар
10.03.2025
Көлік министрі Екібастұз қаласындағы күрделі жөндеуден өткен теміржол вокзалына барды
Жолаушылар тасымалы
09.03.2025
Еліміздің пойыздарында 8 наурыз мерекесіне орай әйелдерге сыйлықтар табысталды
Жолаушылар тасымалы
08.03.2025
Темір жол саласында 1,6 мыңнан астам әйел жолсерік және касса қызметінде еңбек етеді
ҚТЖ келбеті
08.03.2025
Жауапкершілік жүгі жеңіл емес
ҚТЖ келбеті
08.03.2025
Аина және оның командасы
ҚТЖ келбеті
08.03.2025
Отбасында қалыптасқан қасиет
ҚТЖ келбеті
08.03.2025
Қолөнерші диспетчер