ҚТЖ локомотив деполарында персоналды іріктеу жүйесін жетілдіруде
"ҚТЖ" ҰК" АҚ-да локомотив машинисінің көмекшісі лауазымына персоналды тиімді іздеуді және іріктеуді ұйымдастыру бойынша кеңес өтті. Кездесу адам ресурстарын басқару департаментінің бастамасымен жүзеге асырылды, деп хабарлайды Rail-news.kz.
Оған "ҚТЖ-Жүк тасымалы" ЖШС-ның Комплаенс, корпоративтік қауіпсіздік және HR қызметтерінің өкілдері қатысты.
"ҚТЖ-Жүк тасымалы" ЖШС локомотив шаруашылығы департаментінің директоры - атқарушы директор Иван Костыря пойыз машинисінің кәсіби жолы машинист көмекшісі қызметінен басталатынын атап көрсетті.
Машинист пен оның көмекшісінен тұратын локомотив бригадасы пойыздар қозғалысының қауіпсіздігіне жауап береді. Олардың жұмысына жоғары талаптар қойылады.
Машинист көмекшісі лауазымына тестілеу мен әңгімелесуді қамтитын кәсіби іріктеу жүргізіледі. Локомотив машинисінің көмекшісі кәсіптік арнайы немесе кәсіптік - техникалық білімі болуы тиіс.
Депода жас маман тәжірибелі машинистермен дубльдік сапарларда жұмыс істейді. Осыдан кейін ғана ол көмекшілік жұмысын бастайды.
Ол практикалық тәжірибе алу үшін теміржолда кемінде 3 жыл жұмыс істеуі керек. Осыдан кейін көмекшіні Павлодар, Ақтөбе, Қарағанды және Тараз қалаларында жұмыс істейтін теміржол көлігі қызметкерлерін оқыту орталықтарына машинистерді даярлау курстарына жіберуге болады.
Жолаушылар қозғалысының бірінші класты машинисі болу үшін кем дегенде 10 жыл мамандығы бойынша жұмыс істеп, біліктіліктің максималды деңгейіне жету керек.
Кеңес барысында машинист көмекшілерін іздеуде және іріктеуде сыбайлас жемқорлық тәуекелдерінің туындауы аспектілері қаралып, кандидаттарды конкурстық іріктеудің жаңа тәсілдері ұсынылды.