Ән мен жырдан шашу шашты
Ақтөбе облысы бойынша меншікті тілші
«ҚТЖ-Жүк тасымалы» ЖШС «Батыс» филиалы мен Ақтөбе магистральдық желі бөлімшесінің азаматтары теміржолшы қыз-келіншектерді мерекемен құттықтап, концерт қойды.
Бөлімшенің үлкен мәжіліс залы бұл күні ерекше құлпырып кеткен қыз-келіншектерге толып, жүрекжарды құттықтау мен ізгі тілек, ыстық лебіздердің тиегі ағытылды. Жігіттер жағы түрлі музыкалық аспаптарда ойнап, ән салып, күй шертіп, өнерлерін паш етті.
«Бүгін көктемнің әдемі мерекесінде аналарымыз бен апаларымыз, асыл жарларымыз, әдемі қарындастарымыз – сіздерді шын жүректен құттықтап, әлемнің бар жақсылығын тілейміз», – деді «ҚТЖ-Жүк тасымалы» ЖШС «Батыс» аймақтық филиалы басшысының орынбасары Еділ Шаймов.
Шара кәсіподақ ұйымдарының ұйымдастыруымен өтті. Ер азаматтардың орындауындағы ана туралы жыр, попурри, қыздарға арналған ғашықтық жырлар әйелдер қауымының көңілін көтеріп, риза қылды.
