Қазақстан мен Қытай Ақтау портын дамытпақ
ҚТЖ еншілес компаниясы - "KTZ Express" АҚ, YXE Trading Service Group (ҚХР) және "Ақтау халықаралық теңіз сауда порты" АҚ арасында ынтымақтастық туралы үшжақты меморандумға қол қойылды, деп хабарлайды Rail-news.kz.
Рәсім Қазақстан Республикасы Премьер-Министрінің бірінші орынбасары Роман Склярдың қатысуымен "Қытай-Орталық Азия" индустриялық-инвестициялық ынтымақтастық жөніндегі II форум аясында өтті.
Осы Келісім шеңберінде тараптар жоғары технологиялық STS-крандарға бірлескен инвестицияларды қоса алғанда, Ақтау портының терминалдық қуаттарын дамыту жөніндегі жобаларға назар аударады, бұл жел жүктемесінің жоғарылауы жағдайында жүктерді өңдеу жылдамдығын арттыру үшін маңызды.
Меморандумға қол қою ағымдағы жылдың сәуір айында қол жеткізілген уағдаластықтардың қисынды жалғасы болып табылады және барлық қатысушылардың Қазақстан Республикасының транзиттік әлеуетін нығайту жөніндегі ниеттерінің маңыздылығын растайды.