"ҚТЖ" ҰК" АҚ делегациясы Санкт-Петербургтегі I-ші Халықаралық көлік-логистикалық форумға қатысты
«ҚТЖ» ҰК» АҚ Басқарма Төрағасы Талғат Алдыбергенов РФ Үкіметі Төрағасының орынбасары Виталий Савельев пен РФ Президенті Әкімшілігі Басшысының орынбасары Максим Орешкиннің көлік бизнесінің «капитандарымен» кездесуінде баяндама жасап, «Көліктік байланыс жаңа әлемдік тәртіптің негізі ретінде: жаһандық бәсекелестіктен жалпыға бірдей қауіпсіздікке» тақырыбындағы пленарлық отырысқа қатысты, деп хабарлайды Rail-news.kz.
Талғат Алдыбергеновтің сөз сөйлеуінде мемлекетаралық түйісу пункттерін синхронды дамытуға және тиісті ведомстволардың бірлескен жұмысына, сондай-ақ процестердің ашықтығы үшін цифрландыруды енгізуге басты назар аударылды.
Сонымен қатар, сапар барысында ҚТЖ делегациясы заманауи техниканың экспозициясымен танысып, «РЖД» ААҚ ұйымдастыруымен саланы цифрландырудың жаңа векторлары мен болашақ жүйелері талқыланған «Көлік және логистика үшін үздік АТ-шешімдер» ашып көрсету күніне қатысты.