«Кедентранссервис» АҚ мамандары ISO халықаралық стандарттары бойынша біліктілігін арттырды
27-30 сәуір аралығында «Кедентранссервис» АҚ-да сапа, экология, денсаулық сақтау және еңбек қауіпсіздігін қамтамасыз ету саласындағы ISO халықаралық стандарттарына сәйкес интеграцияланған менеджмент жүйесін жетілдіруге арналған компанияның жетекші мамандарына арналған оқыту семинары өткізілді.
Оқыту «Samruk Business Academy» қатысуымен ұйымдастырылды және компанияның бизнес-процестердің тиімділігін арттыру және корпоративтік құзыреттілікті нығайту жөніндегі жүйелі жұмысының бір бөлігіне айналды. Лектор ретінде консультант, аудитор және бизнес-талдаушы Руслан Тағанов сөз сөйледі.
Семинар шеңберінде қатысушылар ISO 9001:2015, ISO 45001:2018 және ISO 14001:2015 стандарттарының талаптарына негізделген менеджмент жүйелерін енгізу мен дамытудың практикалық құралдарын, сондай-ақ тәуекелдерді басқару, сапа және процестерді үздіксіз жетілдіру тәсілдерін қарастырды.
«Кедентранссервис» АҚ халықаралық стандарттарға бағдарланған басқару мәдениетін дәйекті түрде дамытуда. Енгiзiлген жүйелердiң нәтижелiлiгi жыл сайын Қоғамның орталық аппаратында да, өндiрiстiк алаңдарында да жүргiзiлетiн сыртқы аудитпен расталады.
2025 жылы Қоғам интеграцияланған менеджмент жүйесінің халықаралық талаптарға сәйкестігін растай отырып, қайта сертификаттау аудитінен сәтті өтті.
Қызметкерлердің кәсіби сараптамасын дамыту бизнестің орнықтылығының негізгі элементі болып қала береді. Қоғам оқыту мен біліктілікті арттыруды операциялық қызметтің сенімділігі мен ұзақ мерзімді бәсекеге қабілеттілікке инвестиция ретінде қарастырады.
Логистикалық саланы трансформациялау жағдайында «Кедентранссервис» АҚ тиімді, орнықты және сапаға бағдарланған басқару моделін құруды жалғастыруда, онда стандарттар формальдылыққа емес, күнделікті практиканың жұмыс құралына айналуда.