Станция жолдары жаңартылуда
Жаңалықтар
27.02.2018, 11:16
![](https://rail-news.kz/uploads/posts/old/railnews5bc4933c47e002.27443400.jpg)
Ел шығысында орын тепкен Аягөз жол дистанциясы өткен жылды жемісті аяқтап, ағымдағы жылды бірқатар жоспарлы шаралармен бастады. Қазіргі күні дистанция жол табанын сауықтыру ісінде ағымдағы жөндеу жұмыстарын қарқынды жүргізіп, алдағы уақытта өтетін күрделі жөндеуге жан-жақты даярлық жасауда.
Десек те, таяуда орын алатын жаңашылдықтар қатары бір мұнымен шектелмейді. Аягөз жол дистанциясы үшін өткен жылғы бір ерекшелік сол, станция басындағы кірме жолдарға ерекше көңіл аударылған-ды. Бұл ретте, өңірдегі іргелі, тораптық Аягөз станциясының өз басында 0759 км аумақтың кірме жолы күрделі жөндеуден өткен болатын. Сонымен қатар, желі бойындағы жол машиналарының жұмысы нәтижесінде жол сапасы анағұрлым артып, балдық көрсеткіш жақсарған. Ендігі аралықта жолшылар жылдық жоспар аясында жаңа шараларға кіріспек. Атап айтсақ, қозғалыс жиілігі аса жоғары, маневрлік жұмыстар толассыз жүргізілетін станция басын жаңарту бірінші кезекте жолға қойылып отыр. Соның аясында 9,6 км аумақтың жолы толықтай күрделі жөндеуден өткізілмек. Яғни, жөндеу жүргізу барысында ескі рельстер ауыстырылып, станция жолдары жаңаланатын болады. Сонымен қатар, 3,2 км жердің түйіспесіз желісін ауыстыру көзделуде. Бұл жұмыстар Темекілі мен 27 жолайрығы және Ақболат – Таңсық қумажолында орын алмақ. Бұдан өзге күрделі көлемде жол машиналарының жұмыс істеуі де жоспарланып отыр. Қазіргі күні ПЧ-42 мекемесі жұмыс жобаларын пысықтап, іс жүргізу барысын жүйелеп, материалдық-техникалық база бойынша даярлық шараларын жасап жатыр.
Бүгінгі таңда Аягөздегі ПЧ-42 мекемесінде 140-тың үстінде жол монтері еңбек етуде. Олардың көпшілігі – мол тәжірибелі мамандар. Жалпы, жұмыс күші жеткілікті.
Тәжірибелі басшы, жол шаруашылығының маманы Нұрлан Шәріпқанов жетекшілік ететін жол дистанциясының қарамағына қазіргі күні Ақтоғай-Аякөз-Жарма аралығындағы 225 км телім кіреді. Бұл телім бойындағы жұмыстың өзіндік ауыртпашылығы бар. Атап айтсақ, 225 бас жолдың тек жүз шақырымдайы ғана темірбетонды түйіспесіз жол екен. Қалған бөлігінде әлі күнге дейін ағаш шпалдар жатыр. Сондықтан да жол күтімі жоғары болуы керек. Осыны міндет тұтқан аягөздік жолшылар жол қауіпсіздігін қамтамасыз ету, сапасын жақсарту мақсатында бұрынғы жылдармен салыстырғанда қарқынды жұмысқа көшкен. Өткен жылғы жоспарлы шаралардың мерзімінде аяқталуы осыған дәлел болса керек-ті.
Дистанция бойынша межеленген басты жаңашылдық сол – 70 шақырымдық станциялық жолдар мен 219 бағыттамалы бұрмаларды темірбетонға ауыстыру ісі кезеңімен жүргізілуде. Техникалардың берілуінде кедергі жоқ. Бұл бағыттағы ауқымды жұмыстар биыл да қарқынмен жалғастық таппақ. Дистанция басшысы Нұрлан Шәріпқановтың айтуынша, ағымдағы жылы «Desec» жол техникасының көмегімен 8 бағыттамалы бұрманы ауыстыру да межеленіп отыр.
Қуаныш ҚОЖАЕВ, Аягөз
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді