Қызметтік көлікке қол жеткізді
Жаңалықтар
19.06.2018, 14:26
![](https://rail-news.kz/uploads/posts/old/railnews5bc497196dbbf7.51942032.jpg)
Тозығы жеткен техниканың жүргенінен ақаумен қаңтарылып тұрғанын көре-көре көздері үйреніп, қызметтік көлікке иек артудан да қалған "Вагонсервис" АҚ Маңғыстау телімі жұмысшыларының қуанышында шек жоқ...
"Жол азабын жүрген біледі" демекші, күнделікті жұмысқа бірнеше шақырымды артқа тастап, күнде бір әуре-сарсанмен жететін қызметкерлер енді жұмысқа су жаңа "ПАЗ" маркалы автобуспен қатынайтын болды.
– Мұның алдында ескі Газель, одан бұрын ескі АБЗ маркалы автобус болды. Техникалық жағдайына байланысты олардың жүруінен тұруы көп еді. Үйге бірде жетсек, бірде жолда қалатынбыз. Таксимен жүру қалтаны қағады, сондықтан ауыл мен қалааралық қоғамдық көліктерге шығатынбыз. Өзім осында 2008 жылдан бері жұмыс істеймін. Ақтау қаласында тұрамын. Қалаға мекемемізге жақын ауылдан №103 автобусына, ол болмаса станцияның басына дейін жаяу жүріп кетіп №105 маршрутына отыратынмын. Ақтауға солай жетіп, әрі қарай үйге басқа көлікпен жететінмін. Шаһар мен станцияның арасы шамамен 20 км асады. Қоғамдық көліктің бағытымен ол жол одан да ұзара түседі. Осылай уақытымыздың бәрі жол үстінде өтетін. Әйел кісі болғандықтан отбасы бар, балаларды таңертеңгі оқуға, бақшаға жіберіп, алып келу, күтіп алу керек дегендей. Көлік жоқта мұның біріне үлгермейтінбіз. Енді міне, қызметтік арнайы көлік шықты, жұмысқа еш қиындықсыз барып-келеміз, – деп қуанышымен бөлісті жұмыстан шығып, жаңа автобуспен үйіне кетіп бара жатқан "Вагонсервис" АҚ Маңғыстау телімінің еңбек қорғау және техникалық қауіпсіздік жөніндегі инженері Айтбибі Аңғарбаева.
Қызметтік автобус күніне төрт мезгіл, күндізгі және түнгі ауысымда өз жолаушыларын тасымалдайды. Ол үшін екі жүргізуші бекітілген, олар сырттан емес, сол мекемеде жұмыс істейтін, автобус жүргізуге куәлігі бар теміржолшылардан таңдалған.
– Қызметкерлеріміз тек Ақтау емес, жан-жақтағы Батыр, Қызылтөбе, Маңғыстау 1,2,3,4,5 сияқты елді мекендерден де қатынайтын болғандықтан оларды тасымалдау үшін автобус күніне 200 шақырымға жуық жол жүреді. Жанармайы талонмен мезгілінде беріледі. Оның пайдасын біз ғана емес, бізбен бір ғимаратта орналасқан, бір бағытта қатынайтын "Жолаушылар тасымалы" мекемесінің жұмысшылары да көруде. Олар да риза. Автобус жылдың бірінші тоқсанында 9 миллионға жуық теңгеге алынған болатын, – дейді "Вагонсервис" АҚ Маңғыстау телімінің басшысы Нұркен Қайров.
Шахида Жұман, Маңғыстау
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді