Қауіпсіздік – қаруы
Жаңалықтар
05.07.2018, 10:28
![](https://rail-news.kz/uploads/posts/old/railnews5bc497d464eca5.33485709.jpg)
Ақтөбе станциясының басшылығы тек мамыр айында ғана Қозғалыс қауіпсіздігі күндері қарсаңында 12 рет тексеру жұмыстарын жүргізіпті. Оның екеуі станция басшысының, қалғаны орынбасарларының қатысуымен өткен. Сонымен бірге, мамыр айында 2 жоспарлы, 2 жоспардан тыс техникалық сабақ өткізілген.
Техникалық сабақтар кезінде станция басшылығы «Қолайсыз метеорологиялық жағдай туындағанда контейнерлік пойыздар қозғалысын ұйымдастыру» тақырыбында арнайы дәріс өткізді. Сонымен бірге, «Шаруашылық пойыздарының теміржол бойында жұмыстар жүріп жатқанда қозғалысы» тақырыбы да әңгіме арқауына айналды. Станция басшысы орынбасарларынан бастап пойыз құрастырушыға дейін қатаң талап ететіні – қауіпсіздік қағидаларының қатаң сақталуы. Сондықтан әрбір станциялық «қауіпсіздік – қаруым» деген ұранмен жұмыс жасайды десек, қателеспейміз. Техникалық дәріс белгі беру және байланыс, жол, электрмен қамтамасыз ету дистанцияларының, локомотив пайдалану депосының машинистері мен нұсқаушыларының қатыстырылуымен де өткен.
Ақтөбе станциясын еңбек жолын Жіңішке станциясында пойыз құрастырушы болып бастаған тәжірибелі теміржолшы, аймаққа белгілі еңбек әулетінің өкілі Нұрлан Ермағамбетов басқарады. Станция бастығы жыл басынан бері өрескел қателік немесе олқылыққа жол берілмегенін, дегенмен 200-ден астам адам еңбек ететін, бірнеше бөліктен тұратын үлкен станцияда айлық кезінде анықталған кем-кетікті жойып, көрсеткіштерді жақсарту мақсатында жұмыстанып жатқанын алға тартады.
Мысалы, өткен сәуір айында «Пойыз құрастырушы – маневр жетекшісі» деген тақырыпта айлық шара жарияланған. Тексеру кезінде кейбір мамандар бұл айлықтан хабарсыз болып шыққан. Теміржолшылардың өзара әңгімесі таспадан тыңдалғанда да олқылықтарға жол берілген екен. Мәселен, қарапайым команда беруді ұмытып кетіп жататын кездер, пойыздарды да рұқсат етілмеген орындарда ағыту жайттары жоқ емес екен. Автотежегішті іске қосуды ұмытып кететіндер де кезіккен. Стеллаждарды құлыпқа жабу керектігін естен шығарып алатындар бар. Бір оператор Жіңішке атауын Жайсаң деп қате хабарлап жіберген. Журнал толтырғанда қол қоймай кеткендер бар. Ал, оның салдары үлкен дауға әкелетіні сөзсіз. Нөмірді қате жазу да қауіпті. Кейде кезекшілер дауыс зорайтқышпен сөйлескенде фамилия, жолдың нөмірін, бекеттің реттік нөмірін хабарлауды ұмытып кетіп жататыны да ішінара кездеседі.
Ақтөбе станциясының бастығы Нұрлан Ермағамбетов аптаның әр сейсенбісінде станция басшысы күнін өткізеді. Оған теміржол қозғалысына жауапты барлық мекеме басшылары қатысып, жұмыс барысын талқылап, пысықтап, экипировка, жабдықтау, пойыздарды жолдарға орналастыру, т.б. жұмыс барысындағы жайттар сөз болады.
Ақтөбе-1, Ақтөбе-2 станциялары жұмыс сипатына қарай телімдік және бірінші класты станция қатарына жатқызады. Ақтөбе-2 станциясы механикаландырылған дөңесте орналасқан, пойыздар құрамын құрастырып, реттеп отыруға арналған. Дөңестің биіктігі екі метр, ол жерден 10 сұрыптау жолына вагондар жиналады.
– Жалпы, Ақтөбе-1 станциясында 8 қабылдап алу-жөнелту жолы бар. Ал, Ақтөбе-2 станциясында осындай 5 жол қарастырылған. Сонымен қатар, станция бойынша 65 кірме жол бар. Оның 9-ында қауіпті жүктер тасымалданады, ал маневрлі жұмыстар Ақтөбе станциясының тақ паркінде жасалады. Ақтөбе станциясы екі бағытта жұмыс істейді, бірі Ақтөбе мен Илецк аралығы, екіншісі Ақтөбе мен Қандыағаш аралығы бойынша, – деп мәлімет берді станция басшысы.
Жолаушы тасымалына тоқталсақ, Ақтөбе-1 станциясында күніне 7 жолаушылар пойызы сапарға аттанады екен. Екі пойыз құрамы Алматыға, ал Атырау, Астана, Жем, Шалқар бағыттарына бір пойыздан жолға шығады. Сонымен бірге, Алматыдан Мәскеуге қатынайтын пойыз да осы жерде қаралады, Ресей астанасына қатынайтын пойыз тіркемелері жалғанады. Алматы, Астана, Атырау бағытында қатынайтын жолаушы пойыздары сұрыпталады. Ақтөбе арқылы қатынайтын "Тұлпар-Тальго" пойыздарына, сонымен қатар Өзбекстанның, Қырғыз елінің жолаушылары пойыздарына да қызмет көрсетіледі.
Асқар Ақтілеу, Ақтөбе
Суретті түсірген автор
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді