Цифрлық жүйеге көшірілді
Жаңалықтар
13.07.2018, 09:57
![](https://rail-news.kz/uploads/posts/old/railnews5bc49842b125b0.70826123.jpg)
Семей темір жолы бөлімшесі бойынша байланыс және белгі беру саласы жылдам қарқынмен дамып, тың жаңашылдықтармен толығып келе жатқан бірегей сала саналады. Жуырда Шығыстағы байланысшылар үшін ғасыр жаңалығы орын алды.
Жалпы ұзындығы 371,4 шақырымдық желі бойына қызмет көрсететін ШЧ-29 мекемесі байланыстың заманауи тәсілі – цифрлық жүйеге толық көшіріліп, озық технологиямен жабдықталды. Әрине, бұл бағыттағы шараларды жүзеге асыру семейлік теміржолшылар үшін оңайға түспеген. Ол үшін алдымен бәзбір жол айрықтарындағы байланыс құрылғыларын жаңарту қажеттілігі туындапты. Атап айтсақ, ескірген НР релесі заманауи НМШ релелік жабдығына ауыстырып, релелік шкафтар орнатылған. Бір бұл емес, бағдаршам бастиектері жаңартылып, жаңадан линзалы прожекторлық светофорлар орнатылды. Мұнымен қатар, прожекторлық бағдаршамдарды заманауи Н1 және Ч2 нормалы линзалық белгі беру құрылғыларына алмастыру, Шар және Суықбұлақ станциялары бойынша КПТШ-715 құрылғысын ТМ17-RWD блогына ауыстыру және бірқатар жол айрықтарындағы пульт-таблоларды жаңарту да керек болды. Ал ол үшін инженерлік-техникалық іс-шаралар жүргізуге қажетті арнайы кесте әзірленген-ді. Сондай-ақ, тірек бағаналармен тартылған кабельдер, антенналар да толығымен ауыстырылған. Бұл ретте негізгі салмақ радистерге түсіпті. Десек те, аталмыш шаралар межелі мерзім ішінде толық тәмамдалған. Осылайша, бірінші кезекте цифрлық жүйеге көшудің алғышарты жасалыныпты.
– Теміржол саласын цифрландыру – ерте ме, кеш пе бәрібір орын алатын шара. Уақыттың өзі осыған әкеліп отыр. Ал, біз ресейлік әріптестермен тиімді келісім жүргізу, өзара әрекеттестік арқылы аталмыш жаңашылдыққа қол жеткіздік.
Мәскеулік «Информтехника» компаниясы сәуір айының соңын ала жұмысын бастап, тек жуырда ғана жаңа цифрлық жүйе өзегі DX-500 құрылғысын толығымен монтаждап, орнатып берді. Жұмыс барысы үш айға созылды. Әйтсе де, бұл жаңашылдықтың орын алуына біздің қызметкерлердің де үлесі мол, – дейді Семей белгі беру және байланыс дистанциясының бастығы Бейбіт Түменғали.
Міне, осылайша Локоть-Семей, Семей-Шар, Дегелең-Семей телімдері толығымен жаңашыл технологияның игілігін көруде. Яғни, теміржолдағы байланыс саласы толық модернизациядан өтіп, жаңа дәуірге аяқ басты деген сөз.
Дистанция басшыларының айтуынша, мұндай жаңашыл шараның берері көп. Мәселен, пойыз диспетчері мен жол диспетчерін жол өткелдерімен байланысқа қосу, қумажол байланысын жақсарту, бір сөзбен айтқанда, қозғалыс қауіпсіздігін сақтауда жаңа мүмкіндіктерге тыңнан жол ашылды деген сөз.
Бір бұл емес, бүгінде желі бойындағы жұмыс сапасын арттыру үшін КТСМ-2 құрылғысының бірліктері қолданылуда. Бұл жабдықтау мен автоматикаландыру бойынша қабылданған ауқымды жоспар аясында іске асып отыр. Аталмыш бағыттағы іс әлі де жалғаса бермек. Оған мекеменің материалдық-базалық құрылымы толық мүмкіндік беруде. Қазіргі күні ШЧ-29 бойынша 18 техникалық бірлік бар. Мамандар да жеткілікті. Бұл – жаз мезгілінде дәл осылай қауырт жұмыс жүргізуге мейлінше қолайлы жағдай тудырып отыр екен.
Қуаныш Қожаев, Семей
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді