«Фирмалық» пойыз бастығы
Жаңалықтар
03.08.2018, 16:12
![](https://rail-news.kz/uploads/posts/old/railnews5bc498fa623a31.49353332.jpg)
«Жолаушылар тасымалы» компаниясының жүргізіп отырған саясатының арқасында, соңғы жылдары жолаушы пойыздарының сапасы ғана жақсарып қоймай, жолаушыларға көрсетілер сервистік қызметтің де түр-түрі дамып отыр.
Астанаға қатынайтын №47-48 «Каспий» жолаушылар пойызының шыққанына да он шақты жылдың бедері болып қалған екен. Оған кейін сол кездегі ҚР Көлік және коммуникация министрінің бұйрығымен «фирмалық» статусы берілді. Біздің бүгінгі кейіпкеріміз Өтегенов Ильяс Есенұлы осы фирмалық пойыздың бастығы болып алғашқы күннен бері қызмет етіп келеді.
Ильястың жолаушы тасымалындағы қызметіне келесі жылы 20 жыл толады екен. Алғашында жолсерік, ал 2009 жылдан бері пойыз бастығы болып қызмет етіп келеді. Ақтөбе темір жол колледжін, Қазақ жол қатынасы университетін вагон шаруашылығы мамандығы бойынша өндірістен қол үзбей жүріп бітірген. Қазақстан темір жолына 110 жыл төсбелгісімен марапатталған. Бүгінде Астана мен Атыраудың арасына қатынайтын жолаушы халыққа Ильястың бригадасы да қалтқысыз қызмет көрсетеді. Қазір әрі бұрынғыдай жолдан түсіп қалып, басқа пойызға қайта отыру машақаты жоқ, Елордаға пойыз бар болғаны күн жарымда жетіп барады. Бүгінде жаз уақыты болған соң, тағы қосымша вагондар қосылып жатыр. Мұның бәрі әрине, пойыз бастығының жауапкершілігін арттырады.
– Жаз маусымы нағыз қарбалас шақ, жолаушы көп, жұмыс көп. Вагонның санитарлық жағдайын ғана емес, жолаушылардың тыныштығымен қатар денсаулығына да жауаптымыз. Ауырып-сырқаса, «жедел жәрдем» шақырып, медициналық көмек алуына жағдай жасаймыз. Адам болғасын әр түрлі болады, біреулер алғысын айтса, енді біреулер дөрекі сөйлеп, айғай-шу шығарады. Солардың бәріне де жылы сөйлеп, қабақ шытпай тыныштандыруға тырысамыз. Біздің міндетіміз – жолаушының барар жеріне аман әрі жайлы жетуін қадағалау. Вагондар қосылғасын қазір бригада құрамының саны артты, жолсеріктермен 27 адамға дейін көбейдік, бригадам өз міндеттеріне адал, сайдың тасындай іріктелген жігіттерден құралған, – деп мақтанды кейіпкеріміз.
«Жолаушылар тасымалы» АҚ Батыс филиалы, Атырау телімінің бастығы Әлмұқан Есқалиев Ильястың ең тәжірибелі пойыз бастығының бірі екенін жеткізді. «Жолсеріктен өскен жігіт бұл қызметтің барлық «кухнясын» жақсы меңгерген. Жас, жігерлі, жауапты. 2014 жылы Жамансор-Кенбай телімінде Алматы-Атырау бағытындағы жолаушы пойызы аударылған кезде пойызда осы Ильястың бригадасы болған еді. Апатқа ұшыраған барлық жолаушыларға сол кезде көмек жасап, тыныштандырып, бар жағдайды жасады. Сол істің басы-қасында үлкен жауапкершілікпен еңбек еткен осы жігіт еді. Сондықтан қандай құрметке бөленуге де лайықты деп санаймыз» дейді ол.
Атыраудың мақтаулы пойыз бригадасын перрон басында жолықтырдық. Кезекті сапарға аттанғалы тұрған Ильяс пен оның сенімді командасына сәт сапар тіледік.
Қосұйым Мұқашев, Атырау
Жаңалықтар
30.08.2024
«Нұрлы жол» вокзал кешені ҚР Ұлттық музейінің бірегей материалдарымен безендірілді
Қауіпсіздік
30.08.2024
Болашақ станциясында оқу-жаттығу өтті (Фото)
Инфрақұрылым
30.08.2024
Ақтөбеде күрделі жол жөндеу жұмыстарының 70 пайызы аяқталды
Әлеумет
30.08.2024
Кәсіподақ ұйымдары балаларға оқу құралдарын таратты
Әлеумет
30.08.2024
Теміржолшылардың балаларына қолдау көрсетілуде
Әлеумет
30.08.2024
Шымкентте 3 мыңға жуық балаға көмек көрсетіледі
Жаңалықтар / Мұрағат
30.08.2024
«Қазақстан теміржолшысы» газеті, №74 30 тамыз 2024 жыл
Жаңалықтар
29.08.2024
«Қазақстан теміржолшысы» газетінің тілшісі Industry Power байқауының жеңімпазы атанды
Жаңалықтар
29.08.2024
Абай облысының әкімдігі мен ҚТЖ басшылығы Семейдегі балалар темір жолын іске асыруды талқылады
Аймақтар
29.08.2024
Абай облысында жүк тасымалдау 4,8 млн тоннаға дейін өсті
Әлеумет
29.08.2024
Семейде «Мектепке жол» акциясы өтті
Жаңалықтар
29.08.2024
Атбасарда локомотив құрастыру зауытының капсуласын салу рәсімі өтті
Әлеумет
29.08.2024
Жамбыл бөлімшесі 292 балаға оқу құралын сыйлады
Аймақтар
29.08.2024
Техникалық күтім жоспарға сай жасалуда
Жүк тасымалы
29.08.2024
Астық қай елдерге экспортталып жатқаны айтылды
Аймақтар
29.08.2024
ҚТЖ басшылығы Павлодар өңірінің жүк жөнелтушілерімен кездесті
Жаңалықтар
28.08.2024
Көлік полицейлері ҚТЖ музейінде болды (Фото)
Әлемде
28.08.2024
Končar аккумулятормен жүретін алғашқы пойызын таныстырды
Жүк тасымалы
27.08.2024
ҚТЖ желісі бойынша биыл 55,6 млн тонна көмір тасымалданды
Жүк тасымалы
27.08.2024
Президент Жолдауын іске асыру: Транскаспий дәлізі бойындағы серіктес елдермен бірлескен шаралар күшейтілді