Қозғалыс қауіпсіздігі - баршаға ортақ
Елімізде COVID-19-ға байланысты қалыптасқан жағдайға қарамастан, «ҚТЖ» ҰК» АҚ қызметкерлері пойыздар қозғалысының қауіпсіздігін қамтамасыз ету бойынша алға қойылған міндеттерді абыроймен атқаруда.
Бірінші жартыжылдықтың қорытындысына келсек, өткен жылға қарағанда биыл тасымалдау процесі барысында қауіпсіздіктің бұзылуы 16% төмендеген.
Әсіресе, ұйымдастырушылықтехникалық іс-шаралардың жүзеге асырылуына айрықша мән беріліп, соның арқасында ревизорлық аппараттың қозғалыс қауіпсіздігі мен олардың алғышарттарының ықтимал бұзылуын болдырмауға бағытталған профилактикалық жұмыстары оң нәтиже беруде.
«Компанияда «Қозғалыс қауіпсіздігінің мәдениеті» деңгейін арттыруға бағытталған шаралар оң ықпал етіп, ревизорлық аппарат тарапынан анықталған сәйкессіздіктер саны 10% төмендеген. Тәуекелге бағдарланған тәсілдеме бойынша да жұмыстар жалғасуда, онда реактивті реакциядан проактивті реакцияға көшу, яғни, ертерек елеулі бұзушылықтар мен олардың алғышарттарының алдын алу міндеті басымдыққа ие болып отыр», – дейді Қозғалыс қауіпсіздігі департаментінің директоры Марат Шакенов.
«ҚТЖ» ҰК» АҚ-да қозғалыс қауіпсіздігімен байланысты процестерді автоматтандыру бойынша жұмыс жүргізіліп жатыр. Бұл өз кезегінде, басқарушылық шешімдерді қабылдау барысында оны қолдау үшін ақпараттарды жинау және өңдеуге кететін уақытты қысқартады, сондай-ақ, ағымдық жағдайды желілік кәсіпорын деңгейіне дейін егжей-тегжейлі бөлшектеп талдауды шұғыл жүргізеді. Сонымен қатар пойыздардың қозғалыс қауіпсіздігіне ықпал ететін ішкі процестердің тәуекелдерін анықтауға да көңіл бөлініп отыр. Бұл бағыттағы жұмыс М.Тынышпаев атындағы Қаз ККА мамандарымен бірлесіп жүргізілуде. Railways.kz интернет-порталында «Бірінші кезекте пойыздардың қозғалыс қауіпсіздігі» блогы жұмысын жалғастыруда. Мұнда кез келген адам пойыздардың қозғалыс қауіпсіздігі, нормативтітехникалық құжаттама мәселелері бойынша ұсыныстарын қалдыра алады, сондай-ақ, қауіпсіздіктің бұзылуына қатысты хабарлама қалдыра алады. Бұл ақпарат лезде «ҚТЖ» ҰК» АҚ Қозғалыс қауіпсіздігі департаментінің диспетчерлік қызметіне тәулік бойы түсіп отырады. Жалпы, қозғалыс қауіпсіздігі – баршаға ортақ мәселе», – дейді бас ревизор.