Майталман теміржолшыны шығыстағы әріптестері зейнетке шығарып салды

ҚТЖ келбеті
13.04.2022, 08:45
Қуаныш Қожаев

Абай облысы бойынша меншікті тілші

Семейлік теміржолшылар бөлімше директоры Съезбек Әлішевті зор ілтипатпен зейнет демалысына шығарып салды. Өскемен өңірін қоса алғанда ел шығысын үш жылдан аса басқарған тарлан теміржолшы Абай елі халқының көңілінен шыққаны анық.

Бөлімшенің мәжіліс залына мол жиналған теміржолшылар алдында сөз алған «ҚТЖ-Жүк тасымалы» АҚ басқарма төрағасының орынбасары Досбол Кулекеев Съезбек Әліпбайұлының еңбек жолы мен басшылық қызметтегі тәжірибесі жайында сөз қозғады.

– «ҚТЖ-Жүк тасымалы» басшылығы Сізге адал да жасампаз еңбегіңіз, теміржол саласын дамытуға қосқан елеулі үлесіңіз үшін алғыс айтады. Сіз біз үшін кәсібиліктің, даналықтың және оптимизмнің үлгісісіз, ендігі жерде ұзақ жылғы еңбегіңіздің тек жемісін көріңіз, – деген Досбол Батырбекұлы елорда төріндегі басшылықтың да лебізін жеткізе келе қазақы дәстүрмен иығына шапан жапты.

Бөлімшенің ардагерлер кеңесі төрағасы Қырықбай Әлсейітұлы сөз алып, Съезбек Әліпбайұлының атқарған еңбегіне ерекше тоқталып, естелікке Абайдың шығармалар жинағының қос томдығын табыс етті.

Кәсіподақ ұйымының төрағасы Алик Досанов салалық кәсіподақ төрағасы Оразғали Ахметбаевтың атынан Алғыс хат табыс етті.

Өз кезегінде Съезбек Әліпбайұлы қасиетті Абай елінен зейнеткерлікке шығып бара жатқанын жақсы ырымға балайтынын айтып өтіп, бірнеше жыл қызметтес болған үлкен ұжымға зор ризашылығын білдіріп, әрдайым қимастықпен еске алатынын жеткізді.

Жиында сондай-ақ, бөлімше басшысының жаңадан тағайындалған басшысы да таныстырылды. Досбол Батырбекұлы атап өткендей, ендігі аралықта бөлімше директорының міндетін жас та болса салалық қызметте тәжірибе жинақтап үлгерген білікті маман Владимир Бабиченко атқаратын болады.

– Еліміздің рухани астанасы Семей жеріне алғаш рет келуім. Хакім Абай елінде еңбек ету – мен үшін үлкен абырой, – деп пікір білдірген Владимир Владимирович алдыңғы толқын өкілі ретінде Съезбек Әліпбайұлын өзіне ұстаз тұтатынын, оның жұмысын жалғастырудың өзіндік жауапкершілігі де бар екенін айтып өтті.
Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды
Аймақтар
26.03.2024
Қазалы теміржолшылары сенбілік өткізді
Жаңалықтар
26.03.2024
Екі елдің кәсіподағы бас қосты
Инфрақұрылым
26.03.2024
Атырауда жолды күрделі жөндеу жұмыстары басталды
Әлемде
26.03.2024
Қытай сутегімен жүретін пойызын сынақтан өткізді
Жаңалықтар
25.03.2024
Қытай 10 жылда Еуропаға 85 мың контейнерлік пойыз жіберген, оның 80%-ы Қазақстан арқылы өтті
Жолаушылар тасымалы
22.03.2024
Пойызда тұсау кесер рәсімі өткізілді
Жаңалықтар
20.03.2024
ҚТЖ мен Түркістан облысының әкімдігі меморандумға қол қойды