Батыс теміржолында талай шәкірт баулыған ұстаз 80 жасқа толды

ҚТЖ келбеті
22.04.2022, 11:24

Осыдан елу жылға жуық уақыт бұрын Құлсары белгі беру және байланыс дистанциясына электромонтер болып жұмысқа келген маған Болатбек Молдасалиев сияқты кәсіби теміржолшының қол астында еңбек етіп, тәлімін алу бақыты бұйырыпты.

Ол сол жылдары белгі беру және байланыс дистанциясы басшылығына келген алғашқы қазақ жігіттерінің бірі еді. 1972 жылы Құлсары белгі беру және байланыс дистанциясының бастығы болып тағайындалған Болатбек Әсімұлының беделі сол кездің өзінде жоғары болатын. Бізге, осы мамандықты таңдап өндіріске келген өрімдей қазақ жігіттеріне СОБ және байланыс, белгі беру құрылғыларының жұмысын ерінбей-жалықпай үйретіп, кәсіпке баулыған ұстазымыз басқа емес, дистанция бастығы Молдасалиевтің өзі болды.

Болатбек Әсімұлы еңбек жолын 1960 жылы Қазақ темір жолының Алматы вагон депосында отжағардың көмекшісі (помощник кочегара) болып бастаған екен. Бір жылдан соң жолдамамен Мәскеу темір жол көлігі инженерлері институтына түсіп, оны 1967 жылы бітіріп шығады. Сол жылдары жаңадан құрылып жатқан, маман тапшы Маңғыстау белгі беру және байланыс дистанциясына жіберіледі. Бірнеше жылдан кейін Құлсары дистанциясына ауысады. Осы жылдар ішінде білімімен, алғырлығымен, жаңа бастамаларымен танылған Молдасалиевті 1977 жылы жаңадан құрылған Батыс Қазақстан темір жолына белгі беру және байланыс басқармасының бас инженері қызметіне тағайындайды. Ал тоқсаныншы жылдары Орал бөлімшесінің бас инженері болып барып, кейін Батыс Қазақстан темір жолы белгі беру және байланыс басқармасының бастығы болып Ақтөбеге қайта оралған тәжірибелі маман – сол жылдары Ақтөбе-Түркістан аралығында екі жолды автоблокировка қондырғыларын орнату, Бейнеу-Маңғыстау аралығында жаңа станциялар мен разъездерді электрорталықтандыру қондырғыларымен жабдықтау, Батыс Қазақстан темір жолын ПОНАБ приборларымен жабдықтау, Ақтөбе-Түркістан аралығын кабельдеу сияқты бірегей жобаларды жүзеге асыруға өз қолтаңбасын қалдырған жан. Ерен еңбегі елеусіз қалмады, КСРО жол қатынастары министрлігінің «Құрметті теміржолшы» белгісімен марапатталды.

Өзінің жарты ғасырлық енбек жолында ол талайға ұстаз болды. Біз білетіндер қатарында, мысалы, Ресейдің Приволжье темір жолының бастығына дейін көтерілген В.Храпатый, белгі беру және байланыс басқармасының бастығы болған В.Иванов, Батыс Қазақстан темір жолының басқарма бастығы С.Екибаев сынды мықтылар бар. Солардын қатарында мен де Құлсары белгі беру және байланыс дистанциясында СОБ электромонтерінен дистанцияның бас инженеріне дейінгі еңбек жолынан өттім.

Бүгін тамыры тереңге жайылған алып бәйтерекке айналған абзал аға, аяулы ұстазымыз Болатбек Әсімұлын барлық шәкірттері атынан 80 жылдық мерейтойымен құттықтап, ең ізгі тілектерімізді жолдағымыз келеді.

Марат ИСАҒАЛИЕВ,

Құрметті теміржолшы

Жаңалықтар
10.05.2025
Павлодарлық теміржолшылар ардагерді Жеңіс күнімен құттықтады
Жолаушылар тасымалы
09.05.2025
Астанадан Жеңіс күніне арналған тақырыптық пойыздар жолға шықты
Аймақтар
08.05.2025
Жамбыл жол бөлімшесі ҰОС ардагерін құттықтады
Жаңалықтар
08.05.2025
ҚТЖ Ұлы Отан соғысы ардагерлерін құттықтады
Темір жол тарихы
08.05.2025
Соғыс салған жара. Тұщыбектегі тағзым ескерткішінің тарихы
Темір жол тарихы
08.05.2025
Жамбыл теміржолшыларының ерлік жолы
Темір жол тарихы
08.05.2025
Соғыс жылдарындағы шойын жол шежіресі
Темір жол тарихы
08.05.2025
Сұрапыл жылдар шындығы
Жолаушылар тасымалы
08.05.2025
ҚТЖ жазғы кезеңде қосымша бағыттарды іске қосады
Мұрағат / Жаңалықтар
08.05.2025
«Қазақстан теміржолшысы» газетінің 2025 жылғы 8 мамырдағы арнайы саны
Жаңалықтар
06.05.2025
«Нұрлы жол» вокзал кешенінде Жеңістің 80 жылдығына орай ағаш отырғызылды
Жолаушылар тасымалы
06.05.2025
«Keruen Express» туристік пойызы сапарға аттанды
Жаңалықтар
06.05.2025
«Батырлар ұраны» шырқалған кеш
Аймақтар
06.05.2025
Семейде өрт сөндіру пойызы қоймадағы өртті өшірді
Спорт
06.05.2025
Семейлік теміржолшы жүзден жүйрік шықты
Темір жол тарихы
06.05.2025
Жеңіс рухын сөндірмеген Қызылорда алауы
Аймақтар
06.05.2025
Арыстағы «Батырлар аллеясы»
Спорт
06.05.2025
Машинистер сайысы
Темір жол тарихы
06.05.2025
Майданға тартылған мұнай жолы
Қауіпсіздік
06.05.2025
Теміржолдағы тәртіп – адам өмірінің кепілі