Инемен құдық қазғандай...

ҚТЖ келбеті
02.08.2022, 13:52
Ардақ Ерубаева

Ақтөбе облысы бойынша меншікті тілші

Шалқар белгі беру және байланыс дистанциясының аға электромеханигі Қазыбек Орынбасар – өзі еңбек ететін ауданда танымал теміржолшылардың бірі. Темірдей тәртіпке бағынған салада еңбек етіп, нағыз теміржолшының жағымды имиджін қалыптастырған аға буын. 

Шалқар ауданы Тоғыз станциясында туып өскен. Шағын станцияда әр үйді бір-бір теміржолшы асырайды. Әкесі Ідіріс Орынбасарұлы «Құрметті теміржолшы» атанған, ауыл-елге беделді азаматтардың бірі болды. Бар өмірін қазақ жеріне келген теміржол саласының өркендеуіне арнаған жан балаларын жастайынан еңбекке баулып өсірді. Әке тәрбиесін бойына сіңіріп өскен Қазыбек ағамыздың басқа кәсіпті таңдауы мүмкін емес еді. Ағасы, бауырлары да әке жолын қуып, теміржолшылар династиясын қалыптастырды. 

Қазыбек Ідірісұлының жалпы еңбек өтілі бүгінгі таңда 41 жылды құрайды. Оның 25-інде аға электромеханик болды. Шалқар байланыс дистанциясының СТБ -7 бөліміндегі он адам Шалқар, Сексеуіл, Тоғыз станциялары аралығындағы бұрмалар мен бағдаршамдардың мінсіз жұмысына жауап береді.   

– Ертелі-кеш жұмыстың басында жүреміз. Теміржолда оңай кәсіп жоқ, ауырдың үсті, жеңілдің астымен күнелткісі келетіндер аулақ жүрсін дейміз. Соның ішінде біздің белгі беру және байланыс саласының жұмысы – инемен құдық қазғандай. Өн бойынан тоқ өтетін сым тетіктердің «тілін тауып», жұмыс істеу оңай емес.  Жауапкершілігі мен қауіп-қатері тағы бар. Жолшы да, вагоншы да, қозғалысшы да, байланысшы да, локомотивші де, бәріміздің илегеніміз бір терінің пұшпағы, жүк және жолаушылар тасымалының қауіпсіз қозғалысын қамтамасыз етуге  жұмыламыз. Әр теміржолшының ортақ қазанда тамшыдай үлесі бар. Бәрі қосылып сол қазанды қайнатып отыр,  яғни ел экономикасының дамуына үлес қосып отыр. Міне, осы міндетті мүлтіксіз атқару үшін әрбір теміржолшыдан жауапкершілік талап етіледі, – деп философиялық түйін жасады аға электромеханик Қазыбек Ідірісұлы.

Қазыбек Орынбасар жолдасы екеуі жеті бала тәриелеп өсірді. Бүгінде бәрі әр салада еңбек етіп, отбасыларын асырап жүр. Тек бір қызы ғана өз жолын жалғастырып теміржолшы болды. Оған түк те ренжімейді.

«Біз кезінде шағын станцияда өстік, әкеге қарап өстік, теміржолшыдан асқан мамандық жоқ деп білдік. Ал бүгін жастардың жолында алуан түрлі таңдау тұр. Басқа саланы таңдай ма, бәрекелді дейміз. Тек адаспай жолын тапса болды. Дистанцияға келген жастарға да осыны айтамын, тек теорияны оқып келген жастар кейде практикаға келгенде шорқақтық танытып, өздерінің мамандықты дұрыс таңдағанына күмәнданып жатады. Оларға ерінбей-жалықпай өндірісті үйретіп, маман етіп тәрбиелеп шығару – біз сияқты аға буынның міндеті», – деп санайды тәжірибелі теміржолшы.   

Жолаушылар тасымалы
12.07.2025
ҚТЖ жазғы маусымда өзінің барлық бағдарлары бойынша 4,2 млн-нан астам жолаушыны тасымалдауға дайын
Жаңалықтар
11.07.2025
ҚТЖ басшылығы туризмді дамыту мәселелері бойынша көшпелі кеңес өткізді
Жолаушылар тасымалы
11.07.2025
ҚТЖ Астана – Бурабай бағдары бойынша «Burabay Express» жаңа электрпойызын іске қосты
ҚТЖ келбеті
11.07.2025
Мақаттың мақтанышы
Әлеумет
11.07.2025
Астанада кәсіподақтың VI есептік сайлау конференциясы өтті
Жаңалықтар
11.07.2025
Теміржол жөндеуде заманауи техника қолданылуда
Жаңалықтар / Мұрағат
11.07.2025
Қазақстан теміржолшысы газеті, №52 11 шілде 2025 жыл
Жаңалықтар
10.07.2025
ҚТЖ: Қытайдағы негізгі серіктестермен бірқатар уағдаластықтарға қол жеткізілді
Спорт
10.07.2025
Щучинск қаласындағы республикалық спартакиадаға 250 теміржолшы қатысуда
Жаңалықтар
10.07.2025
KTZ Express ЕО елдеріне экспорттық мультимодальды тасымалды ұйымдастырды
Жаңалықтар
10.07.2025
Транскаспий дәлізі: Қазақстанның көлік және цифрлық инфрақұрылымдағы жаңа бағыты
Жолаушылар тасымалы
10.07.2025
Жолаушы мен жолсерік қуанышы (Видео)
Аймақтар
09.07.2025
Арыстағы біліктілік сайысы: вагон қараушылар шеберлігін сынады
Жаңалықтар
09.07.2025
«ИННОПРОМ–2025» халықаралық көрмесінде ЗИКСТО-ның болашағы талқыланды
Жолаушылар тасымалы
09.07.2025
ҚТЖ «Jibek Joly 5.0» туристік пойызының жаңа маусымын іске қосады
Жаңалықтар
09.07.2025
Кірме жолдардағы қозғалыс қауіпсіздігіне бақылау күшейтілді
Жаңалықтар
09.07.2025
ҚТЖ мен Қытай темір жолдары стратегиялық ынтымақтастық туралы жаңа келісімге қол қойды
Қауіпсіздік
09.07.2025
Жамбыл өңірінде пойыз қозғалысы қауіпсіздігіне қатысты 8 заңбұзушылық анықталды
Әлемде
09.07.2025
Иран мен Ауғанстан Хаф – Герат теміржол жобасын тез арада аяқтауға ниетті
Жаңалықтар
08.07.2025
ҚТЖ басшылығы Бейжіңде өткен ХТЖО-ның XII конгресінде бірқатар стратегиялық кездесулер өткізді