Байланыстың бапкері

ҚТЖ келбеті
01.08.2025, 10:06
Суретті түсірген Александр ЖАБЧУК
Райхан Рахметова

«Қазақстан теміржолшысы» газетінің тілшісі

Арыс белгі беру және байланыс дистанциясының сигнализация, блокировка және орталықтандыру телімінің бастығы Алмас Нәбиұлы Қонысовтың еңбек өтілі ширек ғасырдан асады. Жоғары біліктілігі арқасында оның еліміздегі жаңадан салынған бірнеше жол тармақтарында байланыс саласының негізін қалап, орнатуға үлес қосқан еңбегі әріптестері арасында жоғары бағаланады.

Сондықтан биылғы төл мереке қарсаңында Астанаға арнайы шақыртылып, Мемлекет басшысының қолынан марапат алатын таңдаулы теміржолшылардың бірі болып отыр.  

Теміржолшылар қаласы Арыста туып-өскен ол алдымен арнайы курста оқып, ШЧ мекемесіне жұмысқа орналасқанда сарыауыз балапан еді. Жұмысқа төселіп, тәжірибесін арттыра келе, арнайы орта және жоғары білім алды, саланың жілігін шағатын кәнігі маманға айналды. Бүгінде ол басқаратын телім Арыс пен Сарыағаш станциялары аралығында 8 станция мен бекеттің, олардың арасындағы перегондардың белгі беру және байланыс құрылғыларының тоқтаусыз жұмысына жауапты.  

– Арыстағы ШЧ-38 мекемесінде еңбек жолымды 4-разрядты электромонтер болып бастадым. Тараздағы 6 айлық курсты оқып келген соң электромеханик болып істедім. 2008 жылы қазіргі қызметіме тағайындалып, содан бері телімді басқарып келемін, – дейді теміржолшы жігіт.  

Алмас Қонысов жаңадан салынған теміржол тармақтарын іске қосу кезінде байланыс қондырғыларын орнату жұмыстары жеті өлшеп, бір кесіп дегендей, өте жауапты жүргізілетінін айта ды. Атап айтқанда, 2004 жылы Хромтау-Алтынсарин теміржол тармағы салынғанда ол 20 күнге іссапармен барып, жұмыс істеген. Одан кейін Қостанайда Тереңсай станциясының да байланыс қондырғыларын орнатып, іске қосуға қатысқан. 2016 жылы Алматыда Қазыбек би станциясын дамытуға үлес қосты. 2017 жылы ЭКСПО көрмесі кезінде «Нұрлы жол» вокзалының, Қырқыншы станцияларының басындағы жұмыстарға атсалысты.  

– Соның бәрі мен үшін үлкен тәжірибе болды. Арыста да үлкен өзгерістер болды. Сарыағаш станциясының белгі беру және байланыс құрылғыларын жаңарттық. Байланыс саласында жаңашылдықтар өте көп болады, сондықтан бұрынғы білімімізге қоса, жаңа дүниелерді де үйреніп, үнемі ізденісте жүреміз. Өзім де айналама, қарамағыма сондай ізденімпаз, білімді мамандарды жинауға тырысамын, – дейді А.Қонысов.

Теміржолшылар отбасында дүниеге келген Алмас Нәбиұлы кәсіп таңдауда қателеспегені анық. «Үздік маман» атанып, өндіріске 30 шақты өнертапқыштық ұсыныс енгізіп, «Үздік рационализатор» белгісімен марапатталған теміржолшының обасында екі бала өсіп келеді. «Болашақ теміржолшылар» деді бізге әзіл-шыны аралас қалжыңдап.  

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті