Теміржол бойындағы қауіпсіздік басты назарда
Собственный корреспондент по Костанайской области
Жылдың жаз және күз кезеңдерінде темір жолдарда кәмелетке толмағандардың қатысуымен болатын жазатайым оқиғалардың саны артады.
Кейбір жасөспірімдер теміржол бойымен серуендеп жүрсе, басқалары вагондар мен электровоздардың үстіне шығып селфи жасайды. Және бұл жағдайлардың әрқайсысы қайғылы жағдайға әкелуі мүмкін.
Осындай жазатайым оқиғалардың алдын алу үшін «ҚТЖ-Жүк тасымалы» ЖШС филиалының «Қостанай филиалы» МКҚК Қостанай филиалы темір жолдағы қауіпсіздік ережелерді сақтау мақсатында оқушылар мен жасөспірімдерге профилактикалық жұмыстарды дәстүрлі түрде жүргізіп келеді. Атап айтсақ, Қостанай станциясының қызметкерлері Қостанай қаласының теміржолға жақын орналасқан – №122, 115, 8 орта мектептерінде жүйелі түрде профилактикалық жұмыстар жүргізуде.
Мұндай шараларға 4-11 сыныптардың 400-ден астам оқушысы, сондай-ақ олардың ұстаздары қатысты. Теміржолшылар оқушыларға «Темір жол – қауіпті аймақ» атты көрнекі жадынамалар таратты.
Сонымен қатар, теміржолға жақын орналасқан тұрғын үйлердің пошта жәшіктеріне темір жол бойында ұстану қажет ережелер туралы ақпараттық парақшалар орналастырылды.
«Оқиғалардың себептері жеке қауіпсіздік ережелерін бұзу әрі белгіленбеген жерде темір жолдарды кесіп өту, темір жолдардың электрлендірілген учаскелерінде болу, бұл өмірге аса қауіп төндіреді. Балалар мен ересектер темір жолдың қауіпті аймақ екенін есте ұстағаны жөн! Темір жол көлігінде қауіпсіздік ережелерін сақтаңыздар! Өміріңізге қауіп төндірмеңіз, өзіңізді және достарыңызды жазатайым оқиғалардан сақтаңыз. Есіңізде болсын: байланыс сымындағы кернеу 27 500 вольт», - дейді Қостанай станциясының бас инженері Жаслан Төрежанов.
Теміржолшылар селфи жасау үшін азаматтарды вагондардың төбесіне немесе теміржол көпірлерінің металл конструкцияларына шықпауға шақырады. Байланыс желісінің тіректеріне қол тигізбеңіз, жаяу жүргіншілер көпірінен түрлі бұйымдарды, магниттік таспаны және басқа заттарды лақтырмаңыз. Байланыс желісі құрылғыларына екі метрден кем жақындамаңыз, бұл өмірге қауіп төндіреді!