Таразда вагон үстіне шыққан жолаушы құтқарылды

Қауіпсіздік
07.08.2025, 11:26
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

Әскерилендірілген теміржол күзеті Тараз филиалының жігіттері желілік полиция қызметкерлерімен бірге дер кезінде шұғыл әрекет етіп, қауіп-қатердің алдын алып, адам өмірін аман сақтап қалды.

Оқиға былай болған, жаяу жүргіншілер өтетін аспалы көпірдің үстінде тұрған күзетші Мұхит Нұрымбетов жүк вагонының үстінде адам отырғанын байқап қалады. Дереу қарауыл басшысына хабарлайды. Әрі қарай шұғыл әрекет ететін оңтайлы топ іске кіріседі.

Осындай төтенше жағдайларда әрекет ететін оңтайлы топ желілік полициямен бірлесе отырып жүк құрамасының жартылай ашық вагонының үстінде жасырынып кетіп бара жатқан адамды Ақшолақ станциясында жүк құрамасынан аман-есен түсіріп алды.  

«Вагон үстіндегі жолаушы Қарағанды қаласының тұрғыны болып шықты. Азамат аман-есен, бірақ заңсыз әрекетіне орай шара қолданылатыны түсінікті. Темір жолда қуаты жоғары электр тоғының желісі тартылған. Электр толқыны мен ашық вагондағы суық пен жел ызғары адам денсаулығына қандай зиян екені айтпаса да түсінікті. Оның үстіне жартылай ашық вагоннан құлап, пойыз астына түсіп кету қаупі де бар. Ата Заңымызда «Қазақстан Республикасы өзін демократиялық, зайырлы, құқықтық және әлеуметтік мемлекет ретінде орнықтырады, оның ең қымбат қазынасы – адам және адамның өмірі» деп жазылған. Теміржол күзеті адам өмірінің қауіпсіздігін сақтандырады, заңсыздықтар мен бейберекетсіздікке жол бермейді», – дейді шұғыл әрекет ететін оңтайлы топ басшысы Шоқан Қасымов.

ӘТЖК Тараз филиалы басшылық тарапынан қойылатын тәртіп пен талаптың арқасында әскерилендірілген теміржол күзетінің жұмысын жүйелі жүргізіп келеді. Еркін Мүсілімов басқаратын филиал ұжымы бұған дейін де қырағылық танытып, талай заңсыздықтардың жолын кескен. Өткен жылы республика бойынша үздік атанып, Ауыспалы Туды жеңіп алған.

Әскерилендірілген күзет жұмысының тиімділігі мен маңызын қарапайым халық түсіне бермейді. Қауіп-қатер туындағанда, тағы бір келеңсіздіктің алдын алғанда ғана салалық қызметтің салмағын бағамдай бастайды.

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті