Павлодарда 300-ге жуық адам жол ережесін бұзған
«Қазақстан теміржолшысы» газетінің тілшісі
Павлодар темір жолында жыл басынан бері 300-ге жуық адам белгіленбеген жерден теміржол төсемін кесіп өткені үшін жауапкершілікке тартылды. Сондай-ақ төрт түліктің жолға шығып кетуі де жиілеген.
Павлодар станциясы Желілік полиция бөлімінің бастығы Қуаныш Әлімбергенов алға тартқан деректерге сүйенсек, 2025 жылы пойыз машинистері 87 рет шұғыл тежегіш басуға мәжбүр болған. Оның үшеуі адамның қатысуымен туындап, соңы қайғылы жағдайға әкелген. Адамдар аспалы көпірлерден өтпей, жолды қысқартып, уақытты үнемдегісі келеді. Мұның соңы темір жолда жарақат алуға немесе өлімге әкеп соғады. Биылдың өзінде 295 облыс тұрғыны темір жолдағы қауіпсіздік ережелерін бұзған. Сонымен бірге шойын жол маңына мал жайған 22 адам әкімшілік жауапкершілікке тартылып, айыппұл салынған.
Мұндай оқиғалар қозғалыс кестесінің бұзылуына, жолаушылар мен жүк пойыздарының кешігуіне әкеледі. Ал келтірілген шығын кінәлі тұлғадан, яғни мал иесінен өндіріледі.
Желілік полиция профилактикалық рейдтер мен тұрғындар арасында түсіндіру жұмыстарын тұрақты жүргізуде.