"Цифрлы Қазақстан": Ақтөбе темір жолдарында қондырғылар заманауи түрлерімен ауыстырыла бастады

«ҚТЖ» ҰК» АҚ – Ақтөбе магистральдық желі бөлімшесі «Цифрлы Қазақстан» бағдарламасы аясында жарты ғасырлық жаңарту жүріп жатыр, елу жылдан астам уақыт жұмыс жасап келе жатқан қондырғыларын заманауи аппараттармен алмастыруда. 

Атап айтқанда, «Жем-Шалқар», «Қандыағаш-Шұбарқұдық», «Шұбарқұдық-Сағыз» учаскелеріндегі жарты ғасырдан бері жұмыс жасап келе жатқан қондырғылар жаңартылған.  

– Үш бөлімшеде 1970-1980 жылдары енгізілген ескі «Минск» және «ЧДЦ» жүйелері микропроцессорлық негізде автоматтандырылған диспетчерлік орталықтандыру жүйелерімен алмастырылды. Жаңа қондырғының мүмкіндіктері жоғары. Аз орын қажет етеді, құрамы микросхемалардан тұратындықтан, қызмет көрсету барысында адам және уақыт ресурстарын шектеуге де мүмкіндіктер тумақ, – дейді Ақтөбе магистральдық желі бөлімшесі басшысының бірінші орынбасары Темірғали Көштаев.

Бөлімше жұмысы бойынша 2018 жылы қозғалыс қауіпсіздігінің бұзылуы бойынша 5 оқиға тіркелген, ал 2017 жылы 6 оқиға орын алған екен. Сонымен қатар, техникалық құрылғылардан жіберілген ақаулар саны да осындай. Егер 2017 жылы 19 ақау жіберілсе, 2018 жылы 18 ақау тіркелген. Жолдың үшінші дәрежелі ақаулар санын да азайтуға қол жеткізілген.

Ардақ САТТАРҚЫЗЫ, Ақтөбе