Он жеті жаста от кешкен...

Әлеумет
13.05.2022, 12:43
Қуаныш Кожаев

Шығыс Қазақстан облысы бойынша меншікті тілші, Семей

Кешегі сұм соғыстың арамызда жүрген көзі тірі куәгері, семейлік қарт майдангер Дмитрий Литвиненко  Семей темір жолына еңбегі сіген қарт теміржолшы.  

Бүгінде жасы жүзге аяқ басса да әлі тың, әңгімені де жақсы айтатын, қазақ тілінде де мақалдап, майын тамызып сөйлейтін қарияны биыл да Жеңіс күнімен құттықтауға асықтық.  Семейдің орталығында, қызының қолында тұратын  Дмитрий Лазаревичь күн ұзаққа үйде жалғыз болғандықтанба, қонақ келсе балаша қуанады екен. Қонақтарға есікті өзі ашып, құрметпен қарсы алу - жылдағы қалыптасқан дағдысы. Бұл жолы да солай болды. 

Өңіріне Қазақстан туы түстен көгілдір жеңіс лентасын таққан қарттың денсаулығы мығым екен. Жеңістің 77 жылдығымен құттықтай келген жандармен әңгіме-дүкен құрып, жадырай сөйлесті. 

Соғыс даласында түскен жастық шағындағы фотосуреттерін көрсетіп, сол бір сұрапыл жылдарды, ұрыс даласында бақилық болған қимас қаруластарын, өткен күндерді еске алды. Сондай-ақ, теміржол саласында тер төккен жылдарын, әріптестерін де еске алды.   

Дмитрий Лазаревичь 1944 жылдың аяғына таман 17 жасында соғысқа аттаныпты. Ең алдымен Ташкент қаласында қысқа мерзімдік әскери даярлықтан өтіп, өртке оранған майдан даласына әскери эшолонмен жетеді. Сөйтіп, жаяу әскерлер сапында батыс Еуропаны, Украина мен Польша жерін гитлершіл басқыншылардан тазартуға қатысады. 

- Сұм соғыстың соңына таман барсам да, нағыз қан-қасаптың ортасына түстім. Барынша жанталасқан фашистер қатты қарсылық көрсетті. Мен оқ пен оттың ортасында байланысшы болдым. Бұл өте жауапты жұмыс еді. Ұрыс уақытында штабпен байланысты жоғалтудың өтемі өте ауыр. Шығыс Еуропа елдерін жаудан азат ете жүріп, осынау қызметтің қыр-сырына қанықтым. Ал, бейбіт өмірге оралған соң байланысшы болуға шешім қабылдадым. Сөйтіп, сол замандарда қатаң тәртіпке негізделген, әскерилендірілген сала теміржолға қызметке келдім. Майдан даласындағы қалыптасқан кәсіби дағдым зейнеткерлікке шыққанға дейін өзгерген жоқ, - дейді бұл орайда қарт майдангер өз өмір жолы жайында сыр шертіп.  

Бүгінде Семей магистральдық желі бөлімшесі бойынша қалған жалғыз көзі тірі  майдангер Дмитрий Лазаревичь осылайша ұзақ жылдар бойы ШЧ-29 мекемесінде, байланыс саласында абыройлы еңбек етті.  1944 жылы 16 жасында теміржол саласына еңбекке араласып, ғұмырының 44 жылын арнаған Әнуарбек Әбділдаұлы жуырда 90 жастан асқан шағында дүниеден өтсе,  Балтық теңізінің қаһарман теңізшісі атанған Кәмкетай Байыров 96 жасқа қараған шағында бақилық болды... 

Әлеумет
27.05.2022
Қызылордада оқушыларға қауіпсіздік ережелері түсіндірілді
Спорт
27.05.2022
Шалқар станциясында шағын футболдан жарыс ұйымдастырылды
Әлеумет
27.05.2022
Қызылордалықтар еңбек ардагерін 80 жылдығымен құттықтады
Жаңалықтар
27.05.2022
Шалқарда жұқпалы індеттерге қарсы оқу-жаттығу өтті
Аймақтар
27.05.2022
Семейде жаз шыға балалар қауіпсіздігі алаңдатады
Жаңалықтар
27.05.2022
Атырау вокзалына лифт орнатылады
Аймақтар
27.05.2022
Шар станциясында күрмеуі қиын мәселелер ұжымдық жиында талқыланады
Жүк тасымалы
27.05.2022
Құрық порты паром кешенінде 4 айда жарты миллионға жуық жүк өңделген
Мұрағат
27.05.2022
«Қазақстан теміржолшысы» газеті, №39 27 мамыр 2022 жыл
Жаңалықтар
25.05.2022
Жыл басынан бері жол бойында 25 қайғылы жағдай болды
Спорт
24.05.2022
Қызылордада шағын футболдан жарыс ұйымдастырылды
Спорт
24.05.2022
Маңғыстауда «Мерейтойлық старт» эстафетасы өтті
Аймақтар
24.05.2022
Семей ЖТ бөлімшесінде заңдылықты сақтау мәселесі талқыланды
Жаңалықтар
24.05.2022
«Батыс» филиалында көктемгі комиссиялық тексеру қорытындыланды
Әлеумет
24.05.2022
Ақтөбеде оқушыларға қауіпсіздік ережелері түсіндірілді
Инфрақұрылым
24.05.2022
Жаңа технологиялар Атыраудағы жұмыс тиімділігін артырды
Аймақтар
24.05.2022
Семейде Мәжіліс депутаты референдум бойынша үгіт-насихат жүргізді
Аймақтар
24.05.2022
Маңғыстаудағы тепловоздардың дені жазғы тасымалға дайын
Жолаушылар тасымалы
24.05.2022
Ресейге пойыздар қайтадан қатынай бастады
Жаңалықтар
24.05.2022
ҚТЖ дарынды жастарды баулуға ынталы