Биылғы оқу жылында ҚТЖ қызметкерлерінің 37 мыңнан астам баласы көмекпен қамтылады
«Балаларды мектепке апарайық!» акциясы аясында ҚТЖ қызметкерлерінің 37 мыңнан астам баласы көмекпен қамтылады, деп хабарлайды Rail-news.kz.
Аталған акция аясында биыл 1 қыркүйекке қарай 1650 теміржолшы отбасының балалары мектепке қажетті кеңсе керек-жарақтарының жиынтығын алатын болды. Оның ішінде Магистральдық желі дирекциясы – 1151, Жүк тасымалы – 499.
Сонымен қатар, оқу жылының басында көп балалы отбасылар мен мектеп оқушыларын жалғыз тәрбиелеп отырған қызметкерлерге Компания әр балаға 2 АЕК мөлшерінде материалдық көмек төлейді. Атаулы көмекпен ҚТЖ қызметкерлерінің 37 мыңнан астам баласы қамтылады.
«ҚТЖ» ҰК» АҚ адам ресурстарын басқару департаментінің директоры Сәуле Истлеева Қазақстанда қыркүйектің екінші жексенбісінде атап өтілетін Отбасы күніне орай қызметкерлерді әлеуметтік қолдау көзделгенін хабарлады.
– Компания қызметкерлерінің 18 жасқа дейінгі төрт және одан да көп балалары бар 9 мыңнан астам көпбалалы отбасыларына, сондай - ақ 2 және одан да көп баланы жалғыз тәрбиелеп отырған жұмыскерлерге 4 АЕК мөлшерінде материалдық көмек көрсетілетін болады, – деп атап өтті Сәуле Истлеева.
Оқи отырыңыздар: ҚТЖ «Балаларды мектепке апарайық» қайырымдылық акциясын бастады