Теміржолшылардың тұрмыстық еңбек жағдайы жақсарып келеді

«Қазақстан темір жолы» ҰК» АҚ әлеуметтік жауапты компания ретінде өндірістегі қызметкерлердің әлеуметтік-тұрмыстық жағдайларын жақсартуды жалғастыруда. Бұл жұмыс жоспарлы түрде жүргізіледі, деп хабарлайды Rail-news.kz.

Қыркүйектің соңында Маңғыстау өңірінің «ҚТЖ-Жүк тасымалы» ЖШС-ның құрылымдық бөлімшелеріндегі нысандарға жоспарланған жөндеу жұмыстары 100% орындалды. Маңғыстау станциясының төбелік бекетінің ғимараты, Өзен вагон депосы ТҚП қазандық пунктінің ғимараты, Бейнеу станциясының жылу трассасы және Бейнеу мен Маңғыстау вагон депосының ғимараты жөнделді.

ЖТ-ның Павлодар және Қарағанды бөлімшелерінде өндірістік-тұрмыстық үй-жайларды жөндеу бойынша жоспар толығымен орындалды. Ағымдағы жөндеу Қарағанды-Сұрыптау станциясының «Север» вагон депосының ТҚП-да (вагондарға техникалық қызмет көрсету пункті), Қарағанды локомотив депосының құм кептіру үй-жайында, Мойынты вагон депосының ТҚП-сында жүргізілді. Алматы жүк тасымалдау бөлімшесінде бес нысан жөнделді. Железнорудная станциясының әкімшілік ғимаратын жөндеу 90% орындалды. Жамбыл өңірінде Тараз вагон депосының ТҚП ғимараттары, Жаңатас станциясының ЭО бекеті және Ақшолақ станциясының үй-жайы жөнделді.

Жөнделген бөлмелердегі жұмыс жағдайлары ыңғайлы болды және санитарлық-гигиеналық талаптарға толық сәйкес келеді.