Жұмысшылардың еңбекақысы жаңа жүйемен есептеледі - ҚТЖ
«ҚТЖ» ҰК» АҚ-ның бұрынғы еңбекақы төлеу жүйесі тарихи қалыптасқан учаскелік коэффициенттерге негізделсе, олар тіпті бір облыс шегінде де әр түрлі болатын (бір облыста 4 коэффициентке дейін). Осыған байланысты бір өңірдегі бірқатар бөлімшелер қызметкерлері бірдей жұмыс атқарғаны үшін әр түрлі жалақы алып келді, деп хабарлайды Rail-news.kz.
Жаңа жүйені әзірлеу 2021 жылы бастау алды. Осы жылдың 15 қазанынан бастап теміржолшыларға бір өңір шеңберінде жалақы бірыңғай облыстық коэффициентті қолдана отырып есептелетін болады.
Өзгерістер төменгі учаскелік коэффициенттер бойынша жалақы алып келген 68 мыңнан астам теміржолшыға қатысты.
Теміржолшылар толық ақпаратты жұмыс орындарындағы еңбекақы төлеу мәселелері бойынша мамандардан және компанияның ресми сайтынан ала алады.