Мүмкіндігі шектеулі тұлғалар үшін қандай жеңілдіктер қарастырылған

Мүмкіндігі шектеулі жандар үшін қандай жеңілдік түрлері қарастырылған

 - әлеуметтік маңызы бар бағыттар бойынша жол жүру ақысының 50% мөлшеріндегі жеңілдік;

- коммерциялық бағыттар бойынша жеңілдіктер Тасымалдаушының қалауы бойынша беріледі.

Жеңілдігі бар билетті www.bilet.railways.kz сайтында және «Жолаушылар тасымалы» АҚ кассаларында:

- «eGov.mobile» мобильді қосымшасындағы «Әлеуметтік ID» 6 таңбалы қысқа коды арқылы;

- «Мейірім» жеңілдік картасы арқылы

Сатып алуға болады

«Мейірім» жеңілдік картасын қалай алуға болады?

«Мейірім» (термоқағаздағы 13 таңбалы нөмір) картасын «Жолаушылар тасымалы» АҚ-ның кез-келген кассасында мүмкіндігі шектеулі тұлғалардың деректерін тіркеу арқылы сатып ала аласыз.

Ол үшін жолаушы билет кассиріне жеке басын куәландыратын және мүгедектігін растайтын құжаттардың түпнұсқасын, жеке деректерді өңдеуге жазбаша келісімін, байланыс деректерін беруі керек.

Пойызға отырғызу және жол жүру кезінде жолаушыда оның жеке басын куәландыратын және мүгедектігін растайтын құжаттардың түпнұсқасы болуы керек.

Тальго пойыздарында GRAND PMR класындағы вагондар мен СТАНДАРТТЫ ВАГОНДАРҒА арнайы орындарға билеттер тек «Жолаушылар тасымалы» АҚ кассалары арқылы келесі мерзімдерде сатылады:

- 1 топтағы мүгедектігі бар мүмкіндігі шектеулі тұлғалар үшін алдын ала сатылым ашылған сәттен бастап, яғни пойыз жөнелтілгенге дейін 45 күн бұрын

- басқа санаттағы мүгедектігі бар мүмкіндігі шектеулі тұлғалар үшін пойыз жөнелтілгенге дейін 7 күн бұрын.

Пойыздар мен арнайы орындар тізімі www.bilet.railways.kz сайтының «Жеңілдіктер» бөлімінде жарияланған.