Желі бойындағы күлтөкпеден қалай құтыламыз?

Әлеумет
07.04.2023, 11:13
Қуаныш Қожаев

Абай облысы бойынша меншікті тілші

Семей теміржолындағы өзекті мәселенің бірі желі бойының тазалығы болып отыр. Ұзақ жылдардан бері шешілмей келе жатқан қүл-қоқыс үйінділері теміржолшыларды айрықша алаңдатады.

Жуырда Семей ЖТ бөлімшесінің бастығы Владимир Бабиченко қалаға кіреберіс жолдарды арнайы аралап, теміржол жиегіндегі қоқыстар үйілген аумақтарды анықтап, нақты іс-шаралар қабылдауды қолға алды. Тексеру жұмыстарына қалалық әкімдіктің өкілдері де қатысты.  

Рейд барысында РСУ-1, теміржол ауданы, желі іргесінде орын тепкен көтерме сауда базары мен «Жансая» сауда кешенінің маңайы, «Спартак» алаңы маңы, жеке секторлардың айналасы тексеріліп, тұрмыстық қалдықтарға толы екені анықталды. Қалаға кіреберісте, Жаңа-Семей станциясына қарасты аумақта көлемді күлтөкпелер пайда болған. Мұның бәрі облыс орталығына келетін қонақтарға кері әсер қалдыратыны белгілі. Тек станция басы ғана мұнтаздай таза болып тұр. Айта кетер жайт, ағымдағы жылдың 1 сәуірінен бастап абаттандыру бойынша санитарлық-экологиялық екіайлық бастау алды. Жергілікті теміржолшылар қауымы уақытпен санаспай тазалық жұмыстарына кіріскен. Енді бөлімше басшылығының ұсынысымен теміржолшылар мен қалалық әкімдік бірлесіп жол жиегіндегі қоқыс үйінділерін жою бойынша ауқымды жұмыстар бастамақ.  

– Біз желі бойында жыл сайын – көктем мен күзде санитарлық тазалық жұмыстарын жүргіземіз. Биыл бұл шараны экологиялық айлықтың жариялануына орай қарқынды жүргізбекпіз. Қынжылтарлығы, қала ішіндегі телім бойында да тазалық жұмыстарымен айналысатын тек теміржолшылар. Сенбілік өткізілген күндері тонналап қоқыс қалдықтарын шығарамыз. Ол үшін қосымша қаржы қарастырылмаған. Ал жолшылар ғой мұндай жұмыстарды жыл бойы жүргізеді, сырт көз оларды қоқыс тазалаушылар деп ойлап қалып жатады, – дейді НЖС-6 бөлімшесі кадр бөлімінің басшысы Данияр Баймағұлов.  

Алайда, мәселені түп тамырымен шешпей бұл шаралардың пайдасы шамалы болуы мүмкін. Себебі теміржол аумағын көбінесе жеке сектордағы тұрғындар ластайды. Сондықтан Семей станциясындағы желілік полиция тыңғылықты жұмыс жүргізуді қолға алуда. Мәселен, ҚР ӘҚБтК-нің 434-2-бабына сәйкес, жалпыға ортақ пайдаланылатын орындардың ластануы, оның ішінде белгіленбеген жерлерде коммуналдық қалдықтарды тастау – 5 айлық есептік көрсеткіш мөлшерінде айыппұл салуға әкеп соғатыны белгілі. Осы ретте теміржол бойында қатты тұрмыстық қалдықты рұқсатсыз тастағандарды фотосуретке, бейнежазбаға түсіріп, сенім телефонына жіберсе, жергілікті полиция қызметі құқық бұзу фактісін анықтаса, арнайы шара қолданатын болды. Сондай-ақ, мұндай келеңсіздіктерді хабарлаған азаматтарға экологиялық жауапкершілігін ынталандыру үшін сыйақы беру де көзделуде. Қысқасы, облыс орталығы деген мәртебе алған Семей қалалық әкімдігі мен жергілікті теміржолшылар үшін бас ауру «күлтөкпеден қалай құтыламыз?» болып отыр...

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті