ҚТЖ қызметкерлерінің балаларына арналған жазғы демалыс ұйымдастырылды
Балалардың сауықтыру орталықтарына теміржолшылардың балаларын тіркеу басталды. Үстіміздегі жылы «ҚТЖ» ҰК» АҚ және оның еншілес ұйымдарының Қазақстандағы 10 облысында жұмыс істейтін қызметкерлерінің 6 мыңнан астам баласының жазғы демалыстарын өткізуі жоспарлануда, деп хабарлайды Rail-news.kz.
Осы жылдың 15 маусымында «Машат» балаларды сауықтыру орталығына (Түркістан облысы) балалардың алғашқы келіп түсуі болды. Дәстүр бойынша 7 мен 13 жас аралығындағы теміржолшылардың балалары жазғы демалысын Қазақстанның ең көркем жерлерінде өткізеді. Балаларды тасымалдауды «Жолаушылар тасымалы» АҚ жүзеге асырады.
Балалардың жазғы демалысын ұйымдастыру Ұжымдық шарт бойынша «ҚТЖ» ҰК» АҚ және оның еншілес ұйымдарының қызметкерлеріне берілетін кепілдіктердің бірі болып табылады. Компания шығындардың үлкен бөлігін өз мойнына алады, ата-аналар жолдама құнының 10% ғана төлейді.
Жолдамаларды үлестіру кезінде аз қамтылған, көп балалы және толық емес отбасылардан шыққан өндіріс қызметкерлерінің балаларына басымдық беріледі.
Олар балалар сауықтыру орталықтарына Компания қызметкерлері мен кәсіподақ өкілдерінің сүйемелдеуімен барады. Айрықша назар қауіпсіздік мәселелеріне, үйлесімді тамақтануларына және бос уақыттарын қызықты өткізуге аударылып, балалардың толық және жайлы демалуы үшін барлық жағдай жасалған. Демалыс ұзақтығы – 10 күн.