Биыл теміржолды кесіп өткені үшін 28 мыңға жуық азамат әкімшілік жауапкершілікке тартылды

Әлеумет
25.12.2023, 10:43

Осы жылдың басынан бері Көліктегі ПД мен оның желілік бөліністері қызметкерлерімен белгіленбеген жерлерден теміржол төсемін кесіп өткені үшін 27 837 азамат анықталып, әкімшілік жауапкершілікке тартылды, деп хабарлайды Rail-news.kz.

Пойыздардың шұғыл тежелуінің 1863 фактісі тіркелді, оның ішінде темір жолда адамдардың болуы салдарынан 364, жануарлардың болуына байланысты 1270 және т.б. Бұл туралы Көліктегі полиция департаментінің бастығы Бақытжан Малыбаев мәлімдеді.

«Тергеу материалдары жазатайым оқиғалар азаматтардың қауіпсіздік ережелерін өрескел бұзулары салдарынан болатындығын көрсетеді. Көп жағдайда, адамдар темір жолды белгіленбеген жерден кесіп өтіп жарақат алып немесе пойыз астына түсіп мерт болып жатады. Соңы қайғыға әкеп соқтыратын оқиғалар теміржол төсемін жаяу жүргіншілер жолы ретінде пайдаланылған кезде орын алып жатады», - деді Б.Малыбаев. Сондықтан теміржол маныңда әр адам өте мұқият болуы керек.

Оның айтуынша, Департамент қызметкерлері темір жол ұйымдарымен бірлесе отырып, пойыздардың қозғалысы аймағында азаматтардың жарақат алуын болдырмауға бағытталған «Тоқтаңыз, басып кету қаупі бар!», «Темір жол – қауіптілігі жоғары аймақ!» профилактикалық іс-шаралар өткізіп тұрады. Мәселен, осы  мерзім ішінде тәртіп сақшылары халықпен 2952 жиын, жолаушылар пойыздарында 3136 кездесу, сондай-ақ оқу орындарында 3193 дәріс өткізіп, теміржол объектілерінің негізгі қауіпсіздік ережелерімен таныстырды.

Жоғарыда жүргізілген профилактикалық іс-шараларға қарамастан, азаматтар теміржол көлігі объектілеріндегі қауіпсіздік ережелерін бұзуды жалғастыруда, осылайша өз өмірі мен денсаулығына қауіп төндіруде. Жыл басынан бері жылжымалы құрамның астына өз абайсыздықтарынан 90 азамат түсіп, оның жартысынан көбі өліммен аяқталды, соның ішінде 6 факт бойынша балалар зардап шекті.

Өткен аптаның өзінде пойыз астына екі адам түсті. Өкінішке орай, олардың бірі өліммен аяқталды.

«Әрбір азамат темір жолдың қауіптілігі жоғары аймақ екенін ұмытпауы шарт. Қауіпсіздік ережелерін қатаң сақтауы және темір жолдарды тек арнайы белгіленген жерлерден өтуі қажет. Сіздің және жақындарыңыздың өмірі мен денсаулығы айқын әрі дұрыс әрекетіңізге байланысты. Әрдайым, сақ болыңыздар!»,- деп түйіндеді сөзін ведомство басшысы.

 

Жаңалықтар
14.03.2025
Достық - Мойынтының тағы бір учаскесінде екінші жол бойынша пойыздар қозғалысы ашылды
Спорт
14.03.2025
Шахмат – тамаша ойын
Жаңалықтар
14.03.2025
Теміржолшылар «Наурызнама» жалпыұлттық онкүндігіне қосылды
Трансформация
14.03.2025
Техникалар паркі кезең-кезеңмен жаңаруда
Цифрландыру
14.03.2025
Кадрдың қадірі артуда
Инфрақұрылым
14.03.2025
Вокзалдар – үкімет назарында
Жаңалықтар / Мұрағат
14.03.2025
Қазақстан теміржолшысы газеті, №19 14 наурыз 2025 жыл
Жүк тасымалы
13.03.2025
Транскаспий дәлізі бойынша контейнерлік тасымал 2,7 есе өсті
Жаңалықтар
13.03.2025
Қазақстан мен Ресей «Солтүстік – Оңтүстік» көлік дәлізін дамыту мәселесін талқылады
Инфрақұрылым
13.03.2025
Қызылорда өңірінде 50 шақырым темір жолы күрделі жөндеуден өтеді
Жаңалықтар
13.03.2025
ҚТЖ-да өткен "Сенімді тұлға"форумына 200-ден астам адам қатысты
Аймақтар
13.03.2025
Маңғыстаулық нәзікжандылар марапатталды
Аймақтар
13.03.2025
Әйелдер қауымына құрмет көрсетілді
Аймақтар
13.03.2025
Ерекше форматтағы мереке
Аймақтар
13.03.2025
Мереке иелеріне құрмет көрсетілді
Жаңалықтар
13.03.2025
Джип көлігі Медеу – Жетісу аралығында жолаушылар пойызының жолын жауып тастады
Инфрақұрылым
12.03.2025
Достық - Бескөл бағыты бойынша қозғалыс ашылады
Аймақтар
12.03.2025
Кез келгенге бұйыратын бақ емес
Инфрақұрылым
12.03.2025
Шымкент магистральдық желі бөлімшесі биыл 160 км жолды сауықтырмақ
Жүк тасымалы
12.03.2025
Әйелдер қауымы қысқы бақта бас қосты