Достық станциясындағы локомотив бригадаларының демалыс үйі жөнделді

Достық станциясында локомотив бригадаларының демалыс үйі күрделі жөндеуден кейін ашылды. Жаңартылған бөлменің үй-жайдың жалпы ауданы 432,6 шаршы метрді құрайды, деп хабарлайды Rail-news.kz.

Қабылдау іс-шаралары шеңберінде комиссия орындалған жұмыстармен танысты, тұрмыстық үй-жайлардың, санитарлық аймақтардың дайындығын бағалады және объектінің локомотив бригадалары үшін тиісті демалыс жағдайларын қамтамасыз ететін қолданыстағы нормаларға сәйкестігін тексерді.

1960 жылы салынған ғимарат 23 төсек-орынға арналған және 2-3 адамға арналған 11 бөлмеден тұрады. Күрделі жөндеу барысында инженерлік желілер жаңартылып, ішкі әрлеу бойынша жұмыстар кешені жүргізіліп, әрлеу материалдары ауыстырылды. Жиһазбен және қажетті техникамен қамтылған тамақтану бөлмесі толық жабдықталған. Сондай-ақ, ғимаратта жуынатын бөлме, душ бөлмесі, кір жуатын орын және қазандық бар. Қызметкерлердің жеке заттарын сақтауға ыңғайлы аймақтар құрылды, іргелес аумақ абаттандырылды.