ҚТЖ қызметкерлерінің спортпен шұғылдануын қолдайды

Теміржол көлігі қызметкерлері арасында спортпен айналысуды және салауатты өмір салтын насихаттау «ҚТЖ» ҰК» АҚ әлеуметтік саясатының құрамдас бөлігі болып табылады, деп хабарлайды Rail-news.kz.

Теміржолшылар түрлі деңгейдегі жарыстарда жоғары марапаттар мен абырой-беделге ие болып жүр. Спортты одан әрі қолдау және ынталандыру үшін ҚТЖ бес негізгі бағытты белгіледі.

– Біз еліміздегі ең ірі компаниямыз, спортшыларымызға қолдау көрсетуіміз керек. Ол үшін бес негізгі бағыт белгіленді: спорттық шараларға қатысуды ынталандыру, спорттағы жетістіктерді ынталандыру, спорттық командаларды құру, тренингтер мен семинарларды ұйымдастыру, қызметкерлерге жеке көзқарас, – дейді  «ҚТЖ»ҰК» АҚ бас инженері –  техникалық саясат департаментінің директры, Railways team  спорт командасының негізін қалаушы Батыр Котырев.

Компанияда салалық, аудандық, облыстық, республикалық турнирлерге сәтті қатысып, тіпті халықаралық аренада ел абыройын асқақтатып жүрген талантты қызметкерлер көп.

Биылғы жылы ҚТЖ жарыстарының күнтізбелік жоспары «Самұрық-Қазына» АҚ-ның еншілес компаниялар арасындағы спартакиадасымен және оның нәтижелері бойынша алдағы суперфиналмен үндестірілген.