Шахмат – тамаша ойын

Қызылорда магистральдық желі бөлімшесінде теміржолшылардың ерекше ойлау қабілетін шыңдауға, ойды жедел және дәл қабылдауға мүмкіндік беретін шахмат турнирі ұйымдастырылды.

Іс-шара “AMANAT” партиясының бастамасымен, сондай-ақ “Магистральды желі” БПҰ төрағасы Ербол Тәңірбекұлы Сәулебековтің қолдауымен өтті. Турнир “Ардагерлерді ардақтайық” жобасы аясында өткізіліп, бөлімше ардагерлері мен жастардың басын қосып, олардың тәжірибе алмасуына, ұрпақтар сабақтастығын нығайтуға бағытталды.

Сайысқа Қызылорда облысының аға жаттықтырушысы Риза Қошкарова төрағалық етті. Ал жарыстың ашылу салтанатында Қызылорда магистральдық желі бөлімшесінің экономика және қаржы бойынша директордың орынбасары Роза Қалжанқызы құттықтау сөз сөйлеп, қатысушыларға сәттілік тіледі.

Қызылорда магистральдық желі бөлімшесінің директоры, “Магистральдық желі” БПҰ төрағасы Ербол Тәңірбекұлы Сәулебеков қатысушыларды марапаттап, бұл турнирдің маңыздылығына тоқталды. Ол ардагерлер мен жастардың осындай бірлескен шараларда кездесуі  –  тәжірибе алмасудың, бір-бірінен үйренудің тамаша мүмкіндігі екенін және достық қатынас орнатудағы маңызыны айта келе барша қатысушыларға сәттілік, жеңіс тіледі.  

Шахмат турнирі өте тартысты өтті. Ардагерлер өздерінің өмірлік тәжірибесі мен ақыл-ой кемеңгерлігін көрсетсе, жастар жағы жылдамдық пен стратегиялық ойлау қабілетін дәлелдеді.

Шаршы тақтадағы жарыс нәтижесінже ардагерлер мен жастарды бөлек-бөлек марапаттау жасалды. Ардагерлер тобының арасынан жеңімпаздар құрметін Мәмбетов Әділ 1-орын, Шайжан Марат 2-орын, Қалиев Тұрақбай 3-орын иеленіп, кәсіподақ ұйымының бағалы сыйлығына диплом, кубокқа ие болды.

Ал, жастар арасындағы турнир соңында Берік Өмірзақов 1-орын, Әлихан Батырхан 2-орын, Анаркүл Қарымсақова 3-орынды қанжығалады.

Сондай-ақ, ардагер-теміржолшы Мұстафаев Айдар мен жас маман Мәмбетов Қуаныш турнирге белсене қатысқаны үшін Алғыс хатпен және естелік сыйлықтармен марапатталды.

– Бүгінгі шахмат турниріне қатысу мен үшін ерекше қуаныш. Шахмат тек ойын ғана емес, ол тәртіп, сабырлық пен стратегиялық ойлау қабілетін дамытатын спорт. Біз осында өзіміздің дағдыларымызды сынап, бір-бірімізден үйрену үшін жиналып отырмыз. Осы турнирде әрқайсымыздың мақсатымыз-жеңіске жету, бірақ ең бастысы-өзара сыйластық пен достықты нығайту. Баршаңызға сәттілік, жеңіске жетуге тек жақсы ойын мен ақыл-ой қажет, - дейді турнир жүлдегері Анаргүл Қарымсақова

Бұл турнир шахмат ойынының тек спорт қана емес, ұрпақтар арасындағы байланысты нығайтатын маңызды құрал екенін көрсетті. Аймақтағы салалық мекемелердің ардагерлері мен жастар арасындағы ұрпақтар сабақтастықтығының жарқын көрінісі болды Осындай игі шаралар алдағы уақытта да жалғасады деп сенеміз!