ҚТЖ-ның «Railways team» командасы «Summer Relay 2025» жарысында жүлдегер атанды
26 шілде күні Алматы қаласында өткен «Almaty Marathon» ұйымдастырған дәстүрлі «Summer Relay» командалық эстафетасына ҚТЖ атынан қатысқан «Railways team» командасы корпоративтік («БИЗНЕС») санатта III орынды жеңіп алды, деп хабарлайды Rail-news.kz.
Биылғы жарысқа жалпы 35 команда қатысты. ҚТЖ құрамасы бұл жарыста қатарынан екінші жыл қола медаль иеленіп отыр.
Команда құрамы:
Қуанышқан Расұлан Бейсенұлы (ЦПД Астана)
Абуова Ханшаим Жумабековна (ЦИП Астана)
Шахметов Алтынбек Кенжебекович (ЦЮС Астана)
Байжанов Берік Нуридинович (ЦЮС Астана)
Ахмадиев Еркебулан Серикович (НОДГП Семей)
Қатысушылар аптап ыстық пен физикалық қиындықтарға қарамастан, бар күш-жігерін салып, командалық рух пен ауызбіршіліктің арқасында мәреге сәтті жетті. Бұл жеңіс – тек физикалық дайындықтың емес, бірлік пен өзара сенімнің нәтижесі.
Команда жарысқа қатысуға мүмкіндік бергені үшін ҚТЖ Әлеуметтік саясат департаментіне шын жүректен алғысын білдірді. Олар сөрелік жарнаны өтеп, қатысушыларға қолдау көрсетіп, жарқын әрі шабытты сәттердің себепкері болды.
«Railways team» – бұл тек команда ғана емес, бұл – ҚТЖ қызметкерлерінің табандылығы мен теміржол рухының нақты көрінісі!