Теміржолшылар спортта да алда

Теміржолшылар күні қарсаңында Атырау локмотив депосының спорт алаңында спорттың бірнеше түрінен жарыс өтті. Яғни, теміржолшылар арқан тарту, кір тасын көтеру, қол күрес  (армрестлинг) және нысанаға ату (дартс) бойынша өз ара жарысты.

Спорт нұсқаушысы Ринат Иманғазиевтің айтуынша, жарысқа НОД ГП-13, НЖС-13, ТЧЭ-3, ВЧДЭ-1, Мақат, Теңдік. Ақжайық станциялары, ПЧ-9, ШЧ-8, ЭЧ-4 командалары қатысты. Жарыс өте тартысты өтті, әсіресе арқан тарту көрермендердің делебесін қоздырып, ат бәйгеден кем болмады. Нәтижесінде 1-ші орынды ШЧ-8, 2-ші орынды Мақат станциясының командасы жеңіп алды.  

Кір тасын көтеру бойынша 1-орынды ПЧ-9-дан Рауан Басанов, 2-орынды ЭЧ-4 Нұрболат Нұрбаев, 3-ші орынды ВЧДЭ-1 (Мақат бөлімі) Мейрамбай Өңгербаев иеленді. Дартстан 1-орын ЭЧ-4 Нұрболат Наурызалиев, 2-орын Теңдік станциясынан Ізбасар Өткелбаев, 3-орын ТЧЭ-3 Қадырбек Бірмағамбетовтың қанжығасына байланды. Қол күресінен әйелдерде сайысып, олар да білек күшін байқап көрді. Онда 65 кг дейінгі салмақта 1-орынды ШЧ-8 Руфина Джумаева, 2-ші орынды ГП-13Айдана Қайрош, 3-орынды ШЧ-8 Айкөркем Сисенғалиева жеңіп алса, 65 кг жоғары салмақта 1-орынды Теңдік станциясынан Әсем Сатыбаева, 2-орынды ШЧ-8 Әсел Ахмед, 3-орынды ШЧ-8 Ерсін Жұмалиева иеленді. Қыздардың қол күрес жарысы көремендерге әлдеқайда қызықты көрінді. Ал осындай ерлер арасындағы 80 кг дейінгі салмақ иелері арасында 1-орын Мақат станциясынан Нұрбек Өтебаев, 2 және 3-орын ПЧ-9 Бекболат Ұғыбаев  пен Нұрқасым Махамбетке бұйырып, 80 кг жоғары салмақта 1-орынды ТЧЭ-3 Айқын Асқарбақыт, 2-орынды ПЧ-9 Бекқали Ғабдул, ал 3-ші орынды ТЧЭ-3 Махамбет Харесов иеленді. Жүлделі орын алған жеңімпаздарға грамоталар және ақшалай сыйлақ табыс етілді.