Спорт комитеті құрылды

«ҚТЖ» ҰК» АҚ – «Магистральдық желі дирекциясы» филиалында Спорт комитеті құрылды. Бұл туралы филиалдың баспасөз қызметі хабарлады.  

Комитет құрамына корпоративтік спортты дамытуға және салауатты өмір салтын насихаттауға атсалысатын филиалдың белсенді қызметкерлері енді. Спорт комитетінің төрағасы болып Магистральдық желі дирекциясы басшысының жабдықтау жөніндегі орынбасары Нұрлан Каримов тағайындалды. Ол – парашют спортынан спорт шеберлігіне кандидат, каратэден қара белбеу иегері, түрлі деңгейдегі турнирлердің жүлдегері.

Спорт комитетінің құрамында Тарифтік саясат департаментінің бас менеджері Әлібек Бейсенбаев та бар, ол футбол бағытына жауапты және «Самұрық-Қазына» АҚ Спартакиадасының жүлдегері. Сонымен қатар Инвестициялық жоспарлау департаментінің бас менеджері Руслан Қасымов, Қаржы департаментінің менеджері Жәнібек Маулетов  бар. Олар баскетбол бағытына жауапты. Жабдықтау департаментінің менеджері, «ҚТЖ» Спартакиадасының жүлдегері Бауыржан Самбетов, Экономика департаментінің бас менеджері Жанайым Оспанова волейбол бағытына жауапты. Инвестициялық жоспарлау департаментінің менеджері Асхат Канафин шахмат бағытына жауапты. Жүгірумен және экстремалды спорт түрлерімен айналысатын Жабдықтау департаментінің бас менеджері Айдос Ахмедин де осы құрамда. Жол және құрылыстар департаментінің менеджері Дана Ахмедова теннис бағытына жауапты. Бұл теміржолшылардың бәрі – түрлі Спартакиадалардың жүлдегерлері.    

Дирекция барлық қызметкерлерді Спорт комитетінің бастамаларын қолдауға, спорттық іс-шараларға белсенді қатысуға және бірге белсенді, салауатты әрі ұйымшыл корпоративтік мәдениетті қалыптастыруға шақырады.