Шалқарда теміржолшылар арасында шағын футболдан жарысы өтті
Ақтөбе облысы бойынша меншікті тілші
Додаға қалашықтағы барлық теміржол мекемелері қатысып, 7 команда ұйымшылдық пен жоғары ойын деңгейін көрсетті.
Спорт нұсқаушысы Нұргүл Батырханның айтуынша, барлық команда жарысқа жоғары белсенділікпен қатысып, теміржолшылар арасындағы ынтымақтастық пен сергек өмір салтын насихаттаған маңызды шараға айналды.
Жанкүйерлердің делебесін қоздырған тартысты ойындар мәреге жетіп, қазылар алқасының әділ шешімімен бірінші орынды жолшылардан құралған ПЧ-8 командасы жеңіп алды. ІІ орын ШЧ-3 командасына бұйырды. Ал ІІІ орынды ТД «Аур» командасы иеленді. Жеңімпаздар мен жүлдегерлер кубоктармен, дипломдармен және бағалы сыйлықтармен марапатталды.
«Шалқар – теміржолшылардың берекелі мекені. Бүгінгі жарыс сіздердің тек кәсіби салада ғана емес, спортта да бірлік пен ұйымшылдық таныта алатындарыңызды көрсетті. Осындай жарыстар ұжым арасындағы достықты нығайтып, салауатты өмір салтын қалыптастыруға үлкен серпін береді. Әрине жарыс болғасын жеңіс пен жеңіліс бар, дегенмен бүгінгі ойынды тамашалаған әрбіріміз барлық жеті команда да жеңімпаз, яғни бүгін достық жеңді дер едік. Барша қатысушыларға алғыс білдіремін, шын жүректен құттықтаймын!" – деді командаларға марапат тапсырған Нұргүл Батырхан.
