Теміржолшылар арасында «Кәсіподақ төрағасының кубогы» басталды
Қызылорда облысы бойынша меншікті тілші
«Қазтеміржолкәсіп» ҚБ Қызылорда филиалының ұйымдастыруымен бильярдтан «Кәсіподақ төрағасының кубогы» турнирі өтіп жатыр.
Сексеуіл және Қазалы станцияларында басталған сайысқа барлық мекемеден ойыншылар іріктеліп шықты. Ептілік пен дәлдікті талап ететін бильярд сайысы теміржолшылар арасында жиі өткізілетін жарыс түріне айналған. Төраға кубогының іріктеу турнирі барлық талапқа сай, қызықты да тартысты өтті. Ойын нәтижесінде турнирдің келесі кезеңіне берілетін жолдаманы 3-орын алған Асылбек Мектеев, 2-орын иеленген Аманжол Құлжанов пен 1-орын жүлдегері Рақымжан Құлжанов өзара бөлісті. Олар алдағы уақытта Қызылордада өтетін келесі кезеңге қатысады.
Ал Қазалы станциясында өткен іріктеу турының жүлдегері болып 1-орын алған өрт сөндіруші Е.Құсанов, 2-орын иеленген ШЧ-40 өкілі К.Боранбаев, 3-орынға табан тіреген ПЧ-60 ойыншысы А.Сералиев танылды.
Ендігі кезекте Қызылордада өтетін жарыс шешуші сайыс болып саналады. Онда қатысушылар Қарағанды қаласында өтетін турдың жолдамасын сарапқа салатын болады.