Теміржолшылардың марафоны: бірінші бол!

Спорт
01.10.2019, 15:25
Райхан Рахметова

«Қазақстан теміржолшысы» газетінің тілшісі

Салауатты өмір салтын насихаттап, өз қызметкерлерінің денсаулығына аса зор мән беретін Қазақстан темір жолы алғаш рет «ҚТЖ Марафон — өзгерістерге бастар Жақсылық. Бірінші болып қатыс!» деген ұранмен ауқымды спорттық шара ұйымдастырды.

Өткен сенбіде Нұр-Сұлтан қаласындағы Триатлон-паркке жиналған 350-ге жуық теміржолшы 2, 5, 10 және 21 км қашықтықтар бойынша жүгіруден жарысқа түсті. Таңғы 7.30-да паркке жиналған марафоншылар қатарында 29 отбасы, 9 ардагер теміржолшы болғанын атап өту керек. Маңызды спорттық шараны ашқан «ҚТЖ» ҰК" АҚ басқарма төрағасының корпоративтік мәселелер және HR жөніндегі орынбасары Серік Әбденов жарысқа қатысушыларға жеңіс тіледі.

Спорттық шара барысында түрлі шаралар — әр марафоншыға берілген сандар бойынша лотереялық ұтыстық ойындар өткізіліп, жанкүйер болып келген ең кішкентай қатысушылар үшін аква-грим, аниматорлар қызмет көрсетіп, ашық аспан астында би кеші ұйымдастырылды. Со- нымен қатар әлеуметтік желі қолданушылар үшін фото-аймақ қойылды.

Сонымен фитнес жаттықты- рушылар марафоншыларды жүгіруге дайындайтын жаттығулар көрсетіп, нұсқаулық берген соң алдымен тек қана ардагер темір- жолшылардан құралған 9 адамдық марафоншылар 2 км дистанцияға жүгіруді бастап кетті. Одан кейін қалған шақырымдар бойынша марафоншылар жарысы бастал- ды. Бір айта кетерлігі, компания басшылығы атынан келген Серік

Әбденов те осы марафоншы- лар арасынан табылып, 21 км дистанцияға жүгіруге қатысты. Сондай-ақ ол өз жас категори- ясы бойынша 2-орын иеленді. Әрбір шақырым бойынша мара- фоншыларды теміржолшылар арасынан құралған еріктілер тобы жол бойы қадағалап, ма- рафон шарттарына сай жүгіруін бақылады және денсаулығына бай- ланысты қиындықтар туындама- уын қарап жүрді. Қатысушыларға қазақстандық танымал марафон- шылар, спорттың түр-түрінен шеберлер, әрі чемпиондар Марат Жыланбаев, Болат Жұмаділов, Ме- рей Ақшалов қазылық етті.

Ардагерлер жарысынан Жұма- ғайша Ақбергенова әйелдер арасында бірінші орын алды. Теміржолдың бай- ланыс саласында 42 жыл еңбек еткен ол 69 жаста болса да спортпен тұрақты айналысқандықтан тың екенін байқатты. Ал осы қашықтықта ерлер арасында бірін- ші орын алған Леонид Антонов — 73 жаста, 22 жыл электро- монтер болып еңбек еткен.

Одан әрі 5 км қашықтықта жүгіріп, 18-29 жас аралығындағы әйел ма- рафоншылар арасынан қара үзген Жұпар Төлеубекова Семейде «Транс- телеком» мекемесінде еңбек етеді екен, осы жас аралығында ерлер арасында чемпион болған Әділет Қаныбетов — Қызылорда локомотив депосының машинист көмекшісі. Ал осы 5 км қашықтықта 30-39 жас аралығында әйелдер арасы- нан 1 орынды Меруерт Уақпаева алса, ерлер ортасынан атыраулық жол монтері Жалғас Нугамилин жеңімпаз болды. Осы қашықтықта 40-49 жас аралығында әйелдер арасынан жарыс жеңімпазы Алмагүл Шүйіншалина компанияның ІТ департаментінде 19 жылдан бері еңбек етеді. Осы қашықтықта 50-59 жас аралығында әйелдер арасында 1-орын алған Татьяна Новикова болса Ақтөбеде АСУ ДС сектор бастығы, 32 жыл еңбек өтілі бар. Осы жастағылар бойынша ерлер арасында жеңімпаз болып Қайрат Ысқақов танылды.

10 км қашықтықта да 18-29 жас арасынан Лаура Әбішова мен ақтөбелік Жасұлан Баймағамбетов озып шықса, 30-39 жас аралығында Әсел Жұмабай мен Артем Рябоволов жеңімпаз атанды. 40-49 жас аралығында Қарлығаш Әбденова мен қарағандылық машинист Ни- колай Ениченко, 50-59 жас бойынша Елубай Орынғазинов жүлдегер болды.

21 км қашықтықта жастар арасында Нұрлыбек Сымат, орта жастағылар ортасынан «Қазтеміртранс» компаниясының бас менеджері Әділет Бақытұлы, қырықтан асқандар арасы- нан Руслан Молдағалиев озып шықты. Сонымен қатар 60 жастан жоғарылар арасында Алматыдан арнайы келіп қатысқан Айтқалы Орынбасаров ақсақал жүлдеге ие болды. Соңғы қашықтық бойынша жеңімпаздарға демеуші спорттық клуб атынан бір айға жаттығу залына тегін сертификат берілді.

Барлық 1,2,3 орын жүлдегерлері арнайы Диплом және бағалы сый- лықтармен марапатталды.

Суреттерді түсірген Александр ЖАБЧУК

Аймақтар
21.04.2025
Оқушылар депоға экскурсия жасады
Спорт
21.04.2025
Волейболдан іріктеу турнирі өтті
Жаңалықтар
21.04.2025
Өңіраралық мобильді жедел әрекет ету топтары пойыздарды қорғауды күшейтеді
Жүк тасымалы
21.04.2025
Қытай Орталық Азия елдеріне жүк тасымалын арттырып жатыр
Жаңалықтар
19.04.2025
«Алматы – Ташкент» пойызының жолсерігі баланы құтқарып қалды
Инфрақұрылым
18.04.2025
Достық-Мойынты учаскесінде 90 көпір орнатылды
Әлеумет
18.04.2025
Балалар арасында сурет салу байқауы басталды
Аймақтар
18.04.2025
Мамандық таңдау – маңызды іс
Аймақтар
18.04.2025
Қарт түбектің қақпасы қайта түлемек
Жүк тасымалы
18.04.2025
Қазақстан баламалы маршруттарды белсенді дамытуда
Жаңалықтар / Мұрағат
18.04.2025
Қазақстан теміржолшысы газеті, №29 18 сәуір 2025 жыл
Жаңалықтар
17.04.2025
ҚТЖ теміржол вокзалдарын ауқымды қайта құруға кірісті
Жаңалықтар
17.04.2025
ҚТЖ-да көктемгі комиссиялық тексеру басталды
Аймақтар
17.04.2025
Жамбыл облысында бес вокзал күрделі жөндеуден өтеді
Жүк тасымалы
17.04.2025
Кері байланыс қызмет көрсету сапасын арттырады
Аймақтар
17.04.2025
«Жолшы кәсібімен мақтан» республикалық семинары өтті
Инфрақұрылым
17.04.2025
Еліміздің алты өңірінде темір жолды жөндеу жүргізілуде
Қауіпсіздік
16.04.2025
Қызылорда өрт сөндіру пойызы кәсіби дайындықтарын шыңдады
Аймақтар
16.04.2025
Жолаушы қызметінде – қырық жыл
Жаңалықтар
16.04.2025
ҚТЖ-да танымал ақындардың шығармашылық кеші өтті