Достық станциясы — Қазақстан мен Қытай арасындағы негізгі көлік торабы
Жоңғар қақпасы — Ұлы Жібек жолының тарихи жолының жүрегінде орналасқан Достық станциясы Қазақстан – Қытай халықаралық көлік дәлізінің маңызды буыны болып табылады. Ағымдағы жылдың сегіз айында ҚР мен ҚХР арасындағы теміржол тасымалының жалпы көлемі 26,2 млн тоннаны құрады, бұл өткен жылдың сәйкес кезеңімен салыстырғанда 8% артық. Достық – Алашаңқай өткелі арқылы 9,07 млн тонна жүк тасымалданды, деп хабарлайды Rail-news.kz.
Теміржолшылардың тиімді жұмысы Қазақстан мен Қытайдың достық және тату көршілік қатынастарының арқасында қамтамасыз етіледі. Климаттың қатал жағдайларына қарамастан, екі жақтың мамандары жоғары кәсібилік пен өз ісіне адалдықты көрсетуде.
Достық станциясында инфрақұрылымды жаңғыртудың ауқымды бағдарламасы іске асырылуда. Кептелісті болдырмауға және жұмыстың қалыптылығын қамтамасыз етуге мүмкіндік беретін қабылдау-жөнелту паркінің құрылысы жүргізілуде. Қолданыстағы парк кеңейіп келеді. Халықаралық кездесулер мен келіссөздер үшін визит-орталығымен біріктірілген жаңа электр орталықтандыру бекеті салынуда. Кедендік-шекаралық рәсімдерді жүргізуді жеделдететін инспекциялық-тексеру кешенінің (ИТК) жобасы іске асырылуда.
Станцияға жақындауда «тар орынды» жоятын Достық – Мемлекеттік шекара аралығындағы екінші жолдың құрылысы жүріп жатыр. Сонымен қатар, вокзалды, әкімшілік және тұрмыстық ғимараттарды жаңғырту, сондай-ақ локомотив бригадаларының демалыс үйін күрделі жөндеу жүргізілуде, бұл қызметкерлер үшін заманауи еңбек жағдайларын және жолаушылар үшін жайлылық тудырады.
Достық станциясы Қазақстанның транзиттік әлеуетін дамытуға және халықаралық ынтымақтастықты кеңейтуге ықпал ететін стратегиялық көлік хабы ретіндегі рөлін нығайтады.
