Түрікменстан «Солтүстік-оңтүстік» дәлізіне қосылуға ниетті

Түрікменстан «Солтүстік-оңтүстік» халықаралық дәлізі аясында Үндістан, Ресей және Иранға қосылуды жоспарлап отыр, деп хабарлайды Rail-news.kz. 

Аталған елдер өткен аптада Түрікменстан батысындағы Аваз қаласында өткен теңізге шыға алмайтын елдердің көлік министрлері деңгейіндегі халықаралық конференция барысында тиісті келісімдерге қол қойды. Түркіменстанның қосылуымен Ресей мен Иранды байланыстыратын дәліз қосымша бағыт нұсқасына ие болмақ.

Ресейлік «ТАСС» агенттігінің мәлімдеуінше, Түрікменстанның ресми өкілдері Түрікменбашы портын Шығыс-Батыс және Оңтүстік-солтүстік дәлізімен біріктіруді көздеп отыр.

Айта кетсек, халықаралық «Оңтүстік-солтүстік» көлік дәлізін құру жөніндегі келісім 2000 жылы Ресей, Иран және Үндістан арасында жасалып, ол 2002 жылы бекітілген. Кейін бұл жобаға Қазақстан (2003), Әзербайжан, Түркия, Тәжікстан, Армения, Беларусь, Қырғызстан, Оман, Украина мен Болгария қосылды.