Түрікменстан жүк вагон және шпалдар шығаратын зауыт ашпақ

Әлемде
24.04.2025, 10:42
Қазақстан теміржолшысы

Түрікменстан билігі теміржол саласындағы өндірісті жергіліктендіруді кеңейтуді жоспарлап отыр – ел аумағында жүк вагондарын шығаратын өндіріс пен теміржол шпалдарын өндіретін зауыт салу мәселесі қарастырылуда. Бұл туралы елдің Қаржы және экономика министрінің орынбасары Перхат Ягшиев Куала-Лумпурда (Малайзия) өтіп жатқан TEIF 2025 халықаралық инвестициялық форумында мәлімдеді, деп хабарлайды Rail-news.kz.

«Түрікменстан теміржол саласында ауқымды өзгерістер жүргізуді жоспарлап отыр, оның ішінде локомотивтер мен вагон паркін, деполар мен вагон жөндеу қуаттарын жаңғырту, сондай-ақ теміржолдарды электрлендіру көзделуде. Болашақта жүк вагондарын жергілікті өндірісті жолға қою, сондай-ақ теміржол шпалдарын шығаратын заманауи зауыт салу жоспарлануда», – деді Ягшиев.

Вице-министрдің айтуынша, бұған дейін жүргізілген жаңғырту шаралары теміржол инфрақұрылымын айтарлықтай нығайтқан.  

«5 мың шақырымнан астам болат жолдар ел өңірлерін сенімді түрде байланыстырып, транзиттік әлеуетті арттырып, экономикалық өсуді ынталандыруда», – деп атап өтті ол.

Ягшиев Түрікменстанның көлік инфрақұрылымының барлық түрлерін – теміржол, автокөлік, әуе және теңіз қатынасын – дамытуды жүйелі түрде инвестициялап отырғанын баса айтты. Бұл елдің халықаралық логистикалық тізбектерге белсенді интеграциялануына ықпал етуде.

«Түрікменстан халықаралық сауданы дамыту мен аймақтық экономикалық өсуді ынталандыруға бағытталған Орталық Азия арқылы жүк тасымалын қамтамасыз ететін халықаралық көлік-транзиттік дәліздерді дамытуға ерекше көңіл бөліп отыр. Қазіргі таңда Азия мен Еуропа арасындағы сауда әлемдегі негізгі нарықтардың бірі болып саналады. Бұл ерекшелік Түрікменстанның көлік-коммуникациялық желісіне өңіраралық жүк ағындарын тартады. Мұндай мүмкіндік ел үшін елеулі экономикалық табыс көзіне айнала алады», – деді ол.

Көлік саласындағы басым жобалардың бірі ретінде Ягшиев Каспий теңізінің жағалауындағы Түрікменбашы халықаралық теңіз портын атады. Оның жылдық өткізу қабілеті – 17 млн тонна жүк.

«Бұл порт – Транскаспий көлік бағытын дамытудағы негізгі элементтердің бірі. Түрікменбашы теңіз портының инфрақұрылымы “Солтүстік – Оңтүстік” халықаралық дәлізі үшін жасалған көлік-логистикалық хабтардың цифрлық тізіліміне енгізілген. Бұл бағыт бойынша логистикалық маршруттар мен жеткізу тізбектерін тиімді құруға мүмкіндік берді», – деп қорытындылады ол.

 

Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек
Спорт
27.08.2025
Қызылорда теміржолшылары арасында шағын футболдан турнир өтті